Psonm
118 Remersye Zeova, parski i bon.+
Son lanmour fidel i dire pour touzour.
2 Aprezan ki Izrael i dir:
“Son lanmour fidel i dire pour touzour.”
3 Aprezan ki bann desandans Aaron i dir:
“Son lanmour fidel i dire pour touzour.”
4 Aprezan ki bann ki annan en gran respe pour Zeova i dir:
“Son lanmour fidel i dire pour touzour.”
5 Ler mon ti pe soufer, mon ti priy Ya.*
Ya ti reponn mwan e i ti anmenn mwan dan en landrwa an sekirite.*+
6 Zeova i dan mon kote, mon pa pou per.+
Ki dimoun i kapab fer mwan?+
7 Zeova i dan mon kote e i mon led.*+
Mon pou gete ler bann ki ay mwan i ganny defet.+
8 I pli bon pour rod proteksyon Zeova
Ki annan konfyans dan bann imen.+
9 I pli bon pour rod proteksyon Zeova
Ki annan konfyans dan bann prens.+
11 Zot ti antour mwan, wi zot ti konpletman antour mwan,
Me mon ti reziste zot,
Akoz mon annan lafwa dan non Zeova.
12 Zot ti antour mwan parey mous dimyel,
Me zot ti mor vitman parey dife i bril pye pikan.
Me mon ti reziste zot,
Akoz mon annan lafwa dan non Zeova.+
13 Mon ti ganny pouse byen for* pour fer mwan tonbe,
Me Zeova ti ed mwan.
14 Ya i mon landrwa kasyet ek mon lafors,
Li menm ki’n sov mwan.+
15 Dan latant bann ki fer sa ki byen,
Dimoun i dan lazwa akoz zot in ganny sove.*
Lanmen drwat Zeova pe demontre son pwisans.+
16 Zeova in lev son lanmen drwat akoz i’n ranport laviktwar.
Lanmen drwat Zeova pe demontre son pwisans.+
17 Mon pa pou mor, non, mon pou viv,
Pour ki mon koz lo sa ki Ya in fer.+
19 Ouver bann baro ladrwatir pour mwan,+
Mon pou antre e loue Ya.
20 Sa i baro Zeova.
Bann ki fer sa ki byen pou antre kot sa baro.+
21 Mon pou loue ou akoz ou’n reponn mwan+
E ou’n sov mwan.
24 Sa i sa zour ki Zeova in swazir.
Nou pou kontan e nou pou dan lazwa sa zour.
25 Zeova, silvouple, nou sipliy ou, sov nou!
Zeova, silvouple, fer nou ganny laviktwar!
26 Beni sa enn ki vin o non Zeova.+
Dan lakaz Zeova, nou beni zot.
27 Zeova i Bondye,
I donn nou lalimyer.+
28 Ou mon Bondye e mon pou loue ou.
Mon Bondye, mon pou glorifye ou.+
29 Remersye Zeova,+ parski i bon.
Son lanmour fidel i dire pour touzour.+