Dezyenm let pour bann Korentyen
10 Menm si zot konsider mwan konman en nanryen ditou ler mon avek zot,+ me konman ardyese ler mon pa avek zot,+ mwan Pol, mon sipliy zot avek ladouser ek labonte Kris.+ 2 Mon swete ki ler mon avek zot, mon pa pou bezwen ardyese e pran aksyon serye kont sa bann ki konsider nou konman bann dimoun ki pe azir dapre pwennvi imen. 3 Parski menm si nou pe viv nou lavi parey nenport ki dimoun, dan sa lager, nou pa pe lite parey bann dimoun ki swiv bann pwennvi imen. 4 Parski nou pa pe servi bann zarm imen dan sa lager,+ me bann zarm pwisan ki Bondye in donn nou+ pour arive detrir bann keksoz ki’n byen anrasinen. 5 Parski nou pe detrir* bann rezonnman ek bann gro lobstak ki anpes dimoun konn Bondye+ e nou met anba kontrol tou panse pour fer li vin prizonnyen e obeisan avek Kris. 6 Nou pare pour pini okenn dimoun ki kontinyen dezobeir+ dek ki zot menm zot obeisan dan tou keksoz.
7 Zot ziz keksoz dapre laparans. Si en dimoun i konvenki dan li menm ki i pour Kris, i bezwen reflesir ankor lo sa pwen: Zis parey li i pour Kris, nou osi nou pour Kris. 8 Senyer in donn nou lotorite pa pour detrir me pour batir* zot+ e menm si mon ti en pe tro fyer akoz sa, mon pa pou les lezot fer mwan onte. 9 Parski i pa konmsi mon ti anvi fer zot per avek mon bann let. 10 Parski serten i dir: “Sa ki i dir dan son bann let i profon e serye, me ler i la avek nou i pa paret sitan serye e son parol napa gran valer.” 11 Me dimoun ki dir sa, i devret realize ki sa ki nou dir* dan nou bann let ler nou pa la, sanmenm ki nou pou fer* ler nou la.+ 12 Parski nou pa oze met nou lo menm nivo ouswa konpar nou avek serten ki vant zot prop lekor.+ Me zot montre ki zot napa lentelizans ler zot ziz kanmarad dapre zot prop standar e konpar kanmarad avek zot prop lekor.+
13 Me nou pa pou fyer konsernan bann keksoz ki nou’n fer ki an deor nou teritwar, me nou pou fyer konsernan bann keksoz ki nou’n fer dan sa teritwar ki Bondye in donn nou* e sa i enkli anons sa bon nouvel dan sa rezyon kot zot reste.+ 14 Vreman, nou pa pe fer en keksoz ki Bondye pa’n demann nou pour fer ler nou vin kot zot, parski nou menm ki ti premye pour anons sa bon nouvel konsernan Kris avek zot.+ 15 Alor, nou pa fyer konsernan bann keksoz ki nou’n fer an deor nou teritwar e konsernan travay ki en lot dimoun in fer. Me nou swete ki anmezir ki zot lafwa i kontinyen ogmante, sa travay ki nou’n fer parmi zot i kapab osi kontinyen ogmante dan nou teritwar. Apre sa, nou pou fer plis ankor, 16 pour ki nou kapab anons sa bon nouvel dan bann pei pli lwen ki kot zot e ki nou pa pou fyer akoz sa ki’n fini ganny fer dan teritwar en lot dimoun. 17 “Me sa enn ki fyer, i devret fyer akoz Zeova.”*+ 18 Parski i pa sa enn ki vant son prop lekor ki ganny aprouve par Bondye,+ me i Zeova* ki deside lekel ki i aprouve.+