Zeremi

9 Si mon latet ti en sours delo

E si mon lizye ti en basen larm,+

Mon ti pou plere lizour ek aswar

Pour bann dimoun ki’n ganny touye parmi mon pep.

 2 Si mon ti annan en landrwa reste dan dezer parey kot bann dimoun ki vwayaze i reste,

Mon ti pou kit mon pep e al lwen avek zot,

Parski zot tou zot komet adilter,+

Zot en group dimoun ki tret.

 3 Zot ploy zot lalang parey en lark.*

Partou kote, dimoun dan sa pei i koz manti e zot pa fidel.+

“Zot kontinyen fer plis move keksoz

E zot pa ekout mwan.”+ La sa ki Zeova in dir.

 4 “Tou dimoun, fer byen atansyon zot prosen

E pa bezwen annan konfyans ni menm dan zot frer.

Parski tou frer i en tret+

E tou vwazen i fann rimer lo lezot.+

 5 Zot tou zot anbet zot prosen

E personn pa koz laverite.

Zot in montre zot lalang ki mannyer pour koz manti.+

Zot fer sa ki mal ziska ki zot fatige.

 6 Ou pe viv parmi bann dimoun ki koz manti.

Zot koz manti e zot pa oule konn mwan.” La sa ki Zeova in dir.

 7 Alor la sa ki Zeova Sef larme i dir:

“Mon pou fer zot fonn e mon pou teste zot,+

Parski ki mon kapab fer ankor avek fiy mon pep?

 8 Zot lalang i en fles ki touye e ki koz manti.

En dimoun i servi son labous pour koz lo lape avek son prosen,

Me i fer plan pour atak li.”

 9 “Eski pa mon devret fer zot rann kont pour sa bann keksoz?” La sa ki Zeova in dir.

“Pa mon devret revanze kont en nasyon koumsa?+

10 Mon pou plere e pran lapenn pour bann montanny

E mon pou sant en kantik dey pour bann laplenn zerb dan lakanpanny,*

Parski zot in ganny brile pour ki personn pa kapab pas laba

E i nepli annan tapaz bann zannimo.

Bann zwazo dan lesyel ek bann zannimo sovaz in sove. Zot in ale.+

11 Mon pou fer Zerizalenm vin bann ta ros,+ en landrwa kot bann sakal* i reste+

E mon pou fer bann lavil Zida vin en landrwa abandonnen, personn pa pou reste laba.+

12 Lekel ki annan ase lasazes pour konpran sa?

Lekel ki Zeova in koz avek pour ki li osi i koz lo la?

Akoz sa pei in ganny detrir?

Akoz i’n ganny brile parey en dezer

Pour ki personn pa pas laba?”

13 Zeova ti reponn e dir: “Sa i akoz zot in rezet mon lalwa* ki mon ti donn zot e akoz zot pa’n swiv mon lalwa e zot pa’n obeir sa ki mon’n dir. 14  Me o kontrer, zot ti antete e zot ti swiv zot leker+ e zot ti ador bann stati Baal parey zot papa ti’n montre zot pour fer.+ 15 Alor la sa ki Zeova Sef larme, Bondye Izrael, i dir, ‘Mon pe fer sa pep manz bann keksoz anmer* e mon pou fer zot bwar delo anpwazonnen.+ 16 Mon pou dispers zot parmi bann nasyon ki zot ek zot papa pa ti konnen+ e mon pou fer en lepe tay deryer zot ziska ki mon fini detrir zot.’+

Rasanble bann madanm ki sant bann kantik dey+

Pour ki larm i koule dan nou lizye

E pour ki delo i koule lo nou lazou.+

19 Parski nou tann bann dimoun Siyon pe plennyen,+ zot pe dir:

“Get ki mannyer nou’n ganny detrir!

Nou vreman onte!

Parski nou’n kit sa pei e zot in kraz nou lakaz.”+

20 Zot bann madanm, ekout sa ki Zeova i dir.

Ki zot zorey i konpran sa ki i dir.

Ansenny zot bann fiy sa kantik dey

E ansenny kanmarad sa kantik dey.+

21 Parski lanmor in monte e antre par nou lafnet.

I’n antre dan nou bann gran latour

Pour pran bann zanfan ki dan semen

Ek bann garson ki dan bann landrwa piblik.’+

22 Dir sa, ‘La sa ki Zeova i dir:

“Lekor bann dimoun mor pou tonbe parey fimyen ater dan plantasyon,

Parey en pake dible ki sa dimoun ki fer rekolt i fek koupe

E napa personn pour anmas zot.”’”+

23 La sa ki Zeova i dir:

“Ki sa zonm saz pa fer vantar akoz son lasazes,+

Ki sa zonm for pa fer vantar akoz son lafors

E ki sa zonm ris pa fer vantar akoz son larises.”+

24 “Me ki sa enn ki pe fer vantar, i fer vantar akoz

I annan bon zizman ek konnesans lo mwan,+

Ki mwan mon Zeova, sa Enn ki demontre lanmour fidel, lazistis ek ladrwatir lo later,+

Parski mon pran plezir dan sa bann keksoz.”+ La sa ki Zeova in dir.

25 La sa ki Zeova i dir, “Gete! En letan pe vini e mon pou fer tou dimoun ki’n ganny sirkonsi me ki pa’n vreman ganny sirkonsi rann kont,+ 26 Lezip,+ Zida,+ Edonm,+ bann Amonnit,+ Moab+ ek tou dimoun ki’n raz zot karabi* e ki pe reste dan dezer,+ parski tou bann nasyon pa’n ganny sirkonsi e pep Izrael antye in andirsi* zot leker.”+