Psonm
TRWAZYENM LIV
(Psonm 73-89)
2 Me mwan, mon lipye ti pros pour kit sa bon semen,
Mon lipye ti pros pour glise.+
6 Sanmenm lorgey i parey en kolye dan zot likou+
E vyolans parey en lenz lo zot.
7 Zot larises* i fer zot lizye sorti,
Zot in ganny plis ki sa ki zot ti pe mazinen.
8 Zot monk lezot e dir bann move keksoz.+
Zot arogan e menase pour fer ditor lezot.+
9 Zot fer vantar konmsi zot dan lesyel
E zot dir nenport kwa partou lo later.
10 Alor pep Bondye i al kot zot
E bwar zot delo ki annabondans.
11 Zot dir: “Ki mannyer Bondye i konnen?+
Eski sa Enn Tre O i vreman konn sa bann keksoz?”
12 Wi, tou keksoz i fasil pour sa bann move dimoun.+
Zot vin deplizanpli ris.+
13 Vreman i pa vo lapenn ki mon’n gard mon leker pir
E ki mon’n lav mon lanmen akoz mon inosan.+
16 Ler mon ti esey konpran sa,
Sa ti fatig mwan
17 Ziska ki mon ti antre dan landrwa sen Bondye
E mon ti konpran sa ki pou arive avek bann move dimoun.
18 Sirman ou pou met zot lo en semen ki glise.+
Ou pou fer zot tonbe e ganny detrir.+
19 En sel kou zot ganny detrir,+
Maler i ariv lo zot e zot mor!
20 O Zeova, parey en dimoun ki bliy sa ki i’n reve,
Ler ou leve, ou pou bliy* zot.
22 Mon pa ti kapab reflesir byen e mon ti parey en dimoun bet,
Mon ti parey en zannimo ki pa konpran nanryen devan ou.
25 Lekel ankor ki mon annan dan lesyel?
Apard ki ou, mon pa anvi nanryen lo later.+
27 Vreman, bann ki reste lwen avek ou pou mor.
Ou pou detrir tou bann ki pa fidel avek ou e ki’n kit ou.*+
28 Me mwan, vin pli pros avek Bondye i bon pour mwan.+
Mon’n fer Souvren Senyer Zeova vin mon landrwa kasyet
E mon pou koz lo tou sa ki i’n fer.+