Sanson David ler i ti pe sove akoz son garson Absalonm.+
3 O Zeova, akoz mon lennmi in vin sitan bokou?+
Akoz en kantite dimoun i oule lager avek mwan?+
2 Bokou dimoun pe dir sa lo mwan:
“Bondye pa pou sov li.”+ (Sela)
3 Me ou, O Zeova, ou en boukliye ki protez mwan,+
Ou mon laglwar+ e sa Enn ki donn mwan konfyans.+
4 Mon pou kriy Zeova byen for
E i pou reponn mwan lo son montanny sen.+ (Sela)
5 Mon pou alonze e dormi
E mon pou leve an sekirite,
Parski Zeova i kontinyen soutenir mwan.+
6 Mon pa per sa plizyer dizenn milye dimoun
Ki’n ralye kont mwan partou kote.+
7 O Zeova, silvouple leve e sov mwan,+ O mon Bondye!
Parski ou pou tap mon bann lennmi lo zot lanmaswar.
Ou pou kas ledan bann move dimoun.+
8 Zeova, ou sa enn ki sov ou pep+
E ou benediksyon i lo ou pep. (Sela)