Proverb

29 En dimoun ki kontinyen antete* menm si i’n ganny korize plizyer fwa+

Pou ganny kraze en sel kou e i pou napa gerizon.+

 2 Ler i annan en kantite dimoun ki fer sa ki byen,* dimoun i dan lazwa,

Me ler en move dimoun i dirize, dimoun i plennyen.+

 3 En dimoun ki kontan lasazes i fer son papa zwaye,+

Me sa enn ki frekant bann prostitye i gaspiy son larises.+

 4 Avek lazistis, en lerwa i fer son pei stab,+

Me en dimoun ki pran gous i fer sa pei pas dan problenm.

 5 Sa enn ki flat son prosen

I met en latrap devan li.+

 6 Fot ki en move dimoun i fer i vin en latrap pour li,+

Me sa enn ki fer sa ki byen i kriye avek lazwa e i kontan.+

 7 En bon dimoun i enterese avek drwa legal dimoun pov,+

Me en move dimoun pa enterese avek sa.+

 8 Bann dimoun vantar i fer problenm dan en lavil,+

Me bann ki saz i fer dimoun aret ankoler.+

 9 Ler en dimoun saz i annan en problenm avek en dimoun bet,

Zot pou dispit e boufonn kanmarad, me sa pa pou abouti dan nanryen.+

10 Bann ki kontan touy lezot i ay bann ki inosan*+

E zot rod touy dimoun ki fer sa ki drwat.*

11 En dimoun bet i tir tou son lakoler,*+

Me sa enn ki saz i reste kalm e i kontrol son santiman.+

12 Ler en sef i ekout bann mansonz,

Tou son serviter pou vin bann move dimoun.+

13 I annan en keksoz ki parey ant en dimoun pov ek en dimoun ki fer lezot soufer,*

Zeova i donn zot tou le de lalimyer.*

14 Ler en lerwa i ziz dimoun pov dan en fason zis,+

Son tronn pou toultan an sekirite.+

15 Baton* ek koreksyon i donn lasazes,+

Me en zanfan ki fer sa ki i oule i fer son manman onte.

16 Ler i annan en kantite move dimoun, i annan en kantite pese,

Me dimoun ki fer sa ki byen pou vwar ler zot tonbe.+

18 Ler napa gidans Bondye,* bann dimoun i fer sa ki zot oule,+

Me ere bann ki obeir lalwa.+

19 En serviter pa pou les dimoun koz avek li pour koriz li,

Parski menm si i konpran, i pa obeir.+

21 Si en serviter i ganny gate depi ler i ankor zenn,

I pa pou rekonesan pli tar.

23 En dimoun pou ganny abese akoz i arogan,+

Me sa enn ki annan limilite pou ganny laglwar.+

25 I* en latrap si ou tranble devan* dimoun,+

Me sa enn ki annan konfyans dan Zeova pou ganny proteze.+

26 En kantite dimoun i anvi koz avek en sef,*

Me Zeova ki fer dimoun ganny lazistis.+

27 Sa enn ki fer sa ki byen i ay dimoun ki enzis+

E sa enn ki move i ay dimoun ki fer sa ki byen.+