Psonm
En sanson ek lanmizik pour zour Saba.
2 I bon pour koz lo ou lanmour fidel+ dan bomaten
E lo ou fidelite pandan lannwit.
4 O Zeova, ou’n fer mwan zwaye akoz ou bann aksyon
E mon kriy avek lazwa akoz bann keksoz ki ou’n fer.
5 O Zeova, sa ki ou’n fer i vreman ekstraordiner!+
Ou bann panse i vreman profon!+
6 Dimoun bet pa kapab konn zot
E en enbesil pa kapab konpran sa:+
7 Ler bann move dimoun i pouse parey move zerb*
E tou bann ki fer sa ki mal i fleri,
I akoz zot pe al ganny detrir pour touzour.+
8 Me ou O Zeova, ou ganny glorifye pour touzour.
9 O Zeova, gete ler ou bann lennmi i ganny defet
E get ki mannyer ou bann lennmi pou ganny detrir.
Tou bann ki fer sa ki mal pou ganny disperse.+
11 Mon pou vwar ler mon bann lennmi i ganny defet.+
Mon pou tande ler bann move dimoun ki atak mwan i ganny touye.
13 Zot parey bann pye dibwa ki’n ganny plante dan lakaz Zeova.
Zot fleri dan bann lakour lakaz nou Bondye.+
14 Menm dan zot vye zour* zot pou kontinyen prospere.+
Zot pou kontinyen annan lafors* e an bonn sante.+
15 Zot pou dir ki Zeova i fer sa ki drwat.
I mon Ros+ e napa nanryen mal dan li.