Proverb

16 En dimoun i reflesir dan son leker,*

Me larepons ki i donnen* i sorti kot Zeova.+

 2 En dimoun i krwar ki tou sa ki i fer i byen,*+

Me Zeova i egzamin son motivasyon.+

 3 Depan lo Zeova dan tou sa ki ou fer*+

E ou bann plan pou reisi.

 4 Zeova in fer tou keksoz pour ki son plan i reisi

E i pou fer sir ki bann move dimoun i ganny detrir.+

 6 Si en dimoun i annan lanmour* ek fidelite, son fot i ganny pardonnen+

E sa enn ki annan en gran respe pour Zeova i rezet sa ki mal.+

 7 Ler Zeova i kontan sa ki en dimoun i fer,

I fer son bann lennmi anpe avek li.+

 8 Vomye en ptigin keksoz e fer sa ki byen,*+

Dan plas ganny en kantite reveni dan en fason malonnet.+

 9 En dimoun i fer plan kot i pou ale,

Me i Zeova ki diriz son lepa.+

12 Bann lerwa i deteste bann move aksyon,+

Parski sa tronn in ganny byen etabli avek ladrwatir.+

14 Lakoler lerwa i parey en mesaze ki’n ganny anvoye pour touy dimoun,+

Me sa enn ki saz i fer li aret* ankoler.+

16 I pli bon si en dimoun i rod lasazes dan plas lor+

E ganny lentelizans dan plas larzan.*+

18 Avan maler, i annan lorgey

E avan ki en dimoun i tonbe, i annan larogans.+

19 Vomye demontre limilite parmi bann ki annan limilite+

Dan plas partaz larises ki dimoun arogan in pran.

20 En dimoun ki demontre bon zizman dan en sityasyon pou reisi*

E sa enn ki annan konfyans dan Zeova pou ere.

21 Dimoun pou vwar en dimoun saz konman entelizan+

E sa enn ki koz avek ladouser* pou kapab pli byen persyad lezot.+

22 Bon zizman i donn lavi* bann ki annan li,

Me bann ki bet i ganny pini akoz bann keksoz bet ki zot fer.

23 Sa enn ki saz i demontre bon zizman ler i koze+

E i kapab pli byen persyad lezot.

24 Bann parol agreab i parey gof dimyel,

I dou e i en gerizon pour lezo.+

25 En dimoun i kapab krwar ki en semen i bon,

Me finalman, sa semen i anmenn ver lanmor.+

27 En bonnaryen i fouye pour rod bann move keksoz,+

Bann keksoz ki i dir i parey en gro dife.+

28 Sa enn ki fer dezord* i fer dimoun dispit+

E sa enn ki fann rimer i fer bann bon zanmi fase.+

29 En dimoun vyolan i anbet son prosen

E i fer li al lo sa move semen.

30 I bat en lizye ler i fer konplo pour fer sa ki mal,

I mord son lalev ler i pe akonpli son plan pour fer sa ki mal.

31 Seve blan i en zoli kouronn*+

Ler i lo latet en dimoun ki pe mars lo semen ladrwatir.+

32 En dimoun ki pa ankoler vitman+ i pli bon ki en dimoun for

E sa enn ki kontrol son lakoler i pli bon ki sa enn ki pran en lavil.+

33 En dimoun i kapab tir osor* dan son lenz*+

Me Zeova ki fer tou desizyon.+