Izai

56 La sa ki Zeova i dir:

“Defann lazistis+ e fer sa ki byen,*

Parski byento mon pou sov zot

E mon pou montre mon ladrwatir.+

 2 Ere sa dimoun ki fer sa

E ere sa garson zonm ki determinen pour fer sa,

I obeir lalwa Saba, i pa mank respe pour Saba+

E i pa fer okenn move keksoz.

En zonm ki pa kapab fer zanfan* pa devret dir, ‘Gete! Mon en pye dibwa ki’n sek.’”

4 Parski la sa ki Zeova i dir bann zonm ki pa kapab fer zanfan ki obeir mon bann saba, ki swazir pour fer bann keksoz ki fer mwan kontan e ki determinen pour gard mon lalyans:

 5 “Mon pou donn zot en moniman ek en non dan mon lakaz ek miray,

Sa pou pli meyer ki bann garson ek bann fiy.

Mon pou donn zot en non pour touzour,

Sa non pa pou disparet.

 6  Me bann etranze ki vin ador e servi Zeova

Pour kontan non Zeova+

E vin son bann serviter,

Tou sa bann dimoun ki obeir lalwa Saba, ki pa mank respe pour Saba

E mon pou fer zot zwaye dan mon lakaz lapriyer.

Mon pou aksepte zot bann lofrann brile* ek zot bann sakrifis ki zot ofer lo mon lotel.

Parski mon lakaz pou ganny apele en lakaz lapriyer pour tou dimoun.”+

8 La sa ki Souvren Senyer Zeova, sa Enn ki pe rasanble bann dimoun Izrael ki’n ganny disperse+ i dir:

“Mon pou rasanble lezot dimoun kot li apard bann dimoun ki’n deza ganny rasanble.”+

 9 Tou bann zannimo sovaz dan lakanpanny, vin manze,

Wi, tou bann zannimo sovaz dan lafore.+

10 Son bann gardyen i aveg,+ zot pa’n remark nanryen.+

Zot tou zot en bann lisyen ki pa fer tapaz, ki pa kapab zape.+

Zot pe respir for, zot pe alonze e zot kontan dormi.

Zot en bann berze ki pa konpran nanryen.+

Zot tou zot in fer zot prop semen.

Zot tou zot pe rod zot prop profi malonnet e zot dir:

12 “Vini, les mwan bwar en pe diven

E annou bwar nou ta lalkol ziska nou sou.+

Demen pou parey ozordi, me i pou pli bon ankor!”