Psonm
Lanmizik ek sanson bann garson Kora.+
48 Zeova i gran e i vreman merit ganny loue
Dan lavil nou Bondye, lo son montanny sen.
2 Montanny Siyon ki lwen dan nor
I vreman gran e zoli. I fer later antye zwaye+
E i lavil sa Gran Lerwa.+
4 Parski gete! Bann lerwa in rasanble,*
Zot in zwenn ansanm pour atak sa lavil.
5 Kan zot ti vwar lavil, zot ti sezi.
Zot ti panik e taye avek lafreyer.
6 Laba, zot ti konmans tranble
E soufer parey en madanm ki pe ganny pti baba.
7 Ou fer bann bato Tarsis koule avek en divan les.
8 Sa ki nou ti tande, aprezan nou’n vwar pour nou menm
Dan lavil Zeova Sef larme, dan lavil nou Bondye.
Bondye pou protez sa lavil pour touzour.+ (Sela)
9 O Bondye, dan ou tanp,
Nou medit lo ou lanmour fidel.+
10 Parey ou non, O Bondye, ou laglwar
I ariv dan bann landrwa pli lwen lo later.+
Ou lanmen drwat i toultan fer sa ki byen.+
12 Mars otour Siyon. Fer letour sa lavil.
Kont son bann latour.+
13 Egzamin son bann gro miray.+
Enspekte son bann lavil for,
Koumsa ou pou kapab koz lo la avek bann zenerasyon ki pe vini.
14 Parski sa Bondye i nou Bondye+ pour touzour e touzour.