Izai
9 Par kont, sa fernwanr pa pou parey ler i ti annan maler dan sa pei, parey dan lepase ler pei Zeboulonn ek pei Naftali ti ganny meprize.+ Me pli tar, Bondye pou fer sa semen o bor lanmer, dan rezyon Zourden, dan Galile kot bann etranze i reste ganny onore.
2 Bann dimoun ki ti pe mars dan fernwanr
In vwar en gran lalimyer.
Me bann dimoun ki pe reste dan sa pei lonbraz
Lalimyer in kler lo zot.+
3 Ou’n fer sa nasyon vin en kantite dimoun.
Ou’n fer li vreman kontan.
Zot dan lazwa devan ou
Parey dimoun ki dan lazwa dan letan rekolt,
Parey dimoun ki kontan partaz bann keksoz ki zot in pran.
4 Parski ou’n kas kas sa zoug* lour ki zot ti pe anmennen,
Sa baton lo zot zepol, baton sa sef,
Parey dan letan Madyann.+
5 Tou bogi bann dimoun ki fer later tranble ler zot marse
E tou lenz ki’n mouye avek disan
Pou ganny servi pour alim dife.
6 Parski i annan en zanfan ki’n ne pour nou,+
Nou’n ganny donnen en garson.
I pou annan sa responsabilite pour li dirize.*+
I pou apel Konseye merveye,+ Bondye pwisan,+ Papa eternel, Prens lape.
7 I pou napa en lafen avek lape+
E avek son gouvernman* ki pou kontinyen agrandi
Ler i lo tronn David+ e i pe dirize dan son rwayonm.
I pou byen ganny etabli+ e soutenir
Depi la konmela e pour touzour.
Zeova Sef larme pou fer sa avek devouman.
8 Zeova ti anvoy en mesaz kont Zakob
E sa in ariv avek Izrael.+
9 Tou dimoun pou konnen,
Setadir Efraim ek bann zabitan Samari,
Ki dir avek larogans ek lorgey:
10 “Bann blok* in tonbe,
Me nou pou konstri avek bann ros ki’n ganny taye.+
Bann pye sikamor* in ganny koupe,
Me nou pou ranplas zot avek bann pye sed.”
11 Zeova pou fer bann lennmi Rezin atak li
E zot pou ouver zot labous pour devor Izrael.+
Sanmenm sa i ankor ankoler
E i ankor pe lev son lanmen pour pini zot.+
13 Parski sa pep pa’n retourn kot sa Enn ki pini zot.
Zot pa’n rod Zeova Sef larme.+
14 Zeova pou koup latet Izrael ek son lake,
Son bourzon ek son fatak,* dan en zour.+
15 Sa ansyen ek sa enn ki ganny byen respekte i latet
E sa profet ki pe donn bann lenstriksyon ki pa vre i lake.+
16 Bann ki pe diriz sa pep pe fer zot perdi semen
E bann ki pe ganny dirize i konfize.
17 I pour sa rezon ki Zeova pa pou kontan zot bann garson
E i pa pou pran pitye pour zot bann orfelen* ek vev
Parski zot tou zot in aret ador Bondye* e zot fer sa ki mal+
E zot tou zot dir bann keksoz ki pa fer sans.
Sanmenm sa i ankor ankoler
E i ankor pe lev son lanmen pour pini zot.+
18 Parski bann move keksoz i brile parey en dife
Ki pe bril bann touf pikan ek bann move zerb.
I pou met dife dan brousay dan lafore
E zot pou fer en gro lafimen monte.
19 Vi ki Zeova Sef larme i ankoler,
Sa pei in pran dife
E sa pep pou ganny servi pour alim dife.
Personn pa pou sov ni menm son frer.
20 En dimoun pou koup lavyann lo kote drwat
Me i pou ankor lafen.
En dimoun pou manz lavyann lo kote gos
Me i pa pou satisfe.
Sakenn pou manz lavyann lo son prop lebra,
21 Manase pou devor Efraim
E Efraim pou manz Manase.
Zot pou atak Zida ansanm.+
Sanmenm sa i ankor ankoler
E i ankor pe lev son lanmen pour pini zot.+