Psonm
Pour direkter lanmizik avek Neilot.* En sanson David.
5 Ekout mon parol, O Zeova,+
Ekout mwan ler mon pe plennyen.
2 Ekoute ler mon kriy osekour,
O mon Lerwa e mon Bondye, parski avek ou ki mon priye.
3 O Zeova, dan bomaten ou pou tann mon lavwa.+
Dan bomaten mon pou koz avek ou lo mon problenm+ e esper ou avek enpasyans.
4 Parski ou pa en Bondye ki pran plezir dan sa ki mal.+
Okenn move dimoun pa kapab reste avek ou.+
5 En dimoun arogan pa kapab debout devan ou.
Ou ay tou dimoun ki fer sa ki mal.+
6 Ou pou detrir bann ki koz manti.+
Zeova i deteste bann dimoun vyolan e ki anbet lezot.*+
7 Me mwan, mon pou vin dan ou lakaz+ akoz ou gran lanmour fidel.+
Mon pou tonm azenou dan direksyon ou tanp sen* akoz mon annan en gran respe pour ou.+
8 O Zeova, gid mwan lo ou semen ladrwatir akoz mon bann lennmi.
Tir bann lobstak dan ou semen pour mwan.+
9 Parski mon pa kapab annan konfyans dan tou sa ki zot dir.
Zot lespri i ranpli avek sa ki mal.
Zot lagorz i parey en latonm ouver,
Zot flat lezot avek zot labous.+
10 Me Bondye pou kondann zot.
Zot pou tonm dan zot prop pyez.+
Zot pou ganny pouse akoz zot kantite pese
E akoz zot in rebel kont ou.
11 Me tou bann ki rod ou proteksyon pou dan lazwa.+
Zot pou toultan kriye avek lazwa.
Ou pou anpes bann move dimoun vin kot zot
E tou bann ki kontan ou non pou dan lazwa akoz ou.
12 Parski ou, O Zeova, ou pou beni tou bann ki fer sa ki byen.
Parey en gran boukliye, ou pou protez* zot+ avek ou laprouvasyon.