Psonm

86 O Zeova, ekout mwan* e reponn mwan

Parski mon pov e mon pe soufer.+

Sov ou serviter ki annan konfyans dan ou,

Parski ou mon Bondye.+

 3 O Zeova, demontre labonte anver mwan,+

Parski mon priy ou tou dilon lazournen.+

 4 O Zeova, fer ou serviter zwaye,

Parski mon depan lo ou.

 5 Parski ou, O Zeova, ou bon+ e pare pour pardonnen,+

Ou demontre en kantite lanmour fidel pour bann ki priy ou.+

 6 O Zeova, ekout mon lapriyer

E ekout mwan ler mon pe sipliy ou pour ed mwan.+

 7 Mon priy ou ler mon dan problenm,+

Parski ou pou reponn mwan.+

 9 O Zeova, tou bann nasyon ki ou’n fer

Pou tonm azenou devan ou+

E zot pou glorifye ou non.+

12 O Zeova mon Bondye, mon loue ou avek tou mon leker+

E mon pou glorifye ou non pour touzour.

13 Parski ou’n demontre en kantite lanmour fidel anver mwan

E ou’n sov mon lavi pour ki mon pa desann dan fon Latonm.*+

14 O Bondye, bann zonm arogan in atak mwan,+

Bann dimoun sovaz pe rod touy mwan

E zot napa okenn respe pour ou.*+

15 Me ou, O Zeova, ou en Bondye ki annan pitye ek konpasyon,*

Ou pa ankoler vitman* e ou annan en kantite lanmour fidel ek fidelite.*+

Donn ou serviter ou lafors+

E sov garson ou servant.

17 O Zeova, montre mwan en siny ou labonte,

Pour ki bann ki ay mwan i kapab onte ler zot vwar sa siny

Parski ou ki konsol mwan e ed mwan.