Psonm

149 Loue Ya!*

Sant en nouvo sanson pour Zeova.

Loue li dan kongregasyon bann ki fidel.

2 Ki Izrael i dan lazwa akoz son Gran Kreater,*

Ki bann garson Siyon i zwaye akoz zot Lerwa.

3 Ki zot danse pour loue son non.

Sant kantik,* zwe tanbourin* ek larp pour loue li.

4 Parski Zeova i pran plezir dan son pep.

I fer bann ki annan limilite ganny laglwar par sov zot.

5 Ki bann fidel i selebre akoz zot laglwar.

Ki zot kriye avek lazwa lo zot lili.

6 Ki zot labous* i sant kantik pour loue Bondye

E ki zot pran en lepe ki koup de kote dan zot lanmen

7 Pour revanze kont bann nasyon

E pini bann pep.

8 Ki zot anmar zot bann lerwa avek lasenn

E zot bann dimoun enportan avek minot,

9 Pour egzekit zizman ki’n ganny ekri kont zot.

Son bann fidel pou annan loner pour fer sa.

Loue Ya!*