Psonm

145 O mon Bondye, mon Lerwa, mon pou glorifye ou,

Mon pou loue ou non pour touzour e touzour.

 2 Tou dilon lazournen mon pou loue ou.

Mon pou loue ou non pour touzour e touzour.

 3 Zeova i gran e i merit ganny loue.

Personn pa kapab konpran son grander.

 4 Zenerasyon apre zenerasyon, zot pou loue sa ki ou’n fer.

Zot pou koz lo ou bann aksyon pwisan.

 5 Zot pou koz lo ou laglwar ek pouvwar ekstraordiner

E mon pou medit lo bann keksoz merveye ki ou’n fer.

 6 Zot pou koz lo bann keksoz enpresyonan ki ou’n fer*

E mon pou koz lo ou grander.

 7 Zot pou kontinyen koz lo ou ler zot mazin ou gran labonte

E zot pou kriy avek lazwa akoz ou ladrwatir.

 8 Zeova i annan konpasyon* ek pitye,

I pa ankoler vitman e i annan en kantite lanmour fidel.

 9 Zeova i bon avek tou dimoun

E i demontre konpasyon* dan tou sa ki i fer.

10 O Zeova, tou sa ki ou’n fer pou glorifye ou

E bann ki fidel avek ou pou loue ou.

11 Zot pou anons laglwar ou rwayonm

E koz lo ou pwisans,

ל [Lamed]

12 Pour fer dimoun konn ou bann aksyon pwisan,

Laglwar ek labote ou rwayonm.

13 Ou rwayonm pou dire pour touzour

E ou pou dirize zenerasyon apre zenerasyon.

14 Zeova i soutenir tou dimoun ki pe tonbe

E i lev tou bann ki kourbe.

15 Tou dimoun i get ou avek lespwar.

Ou donn zot zot manze dan sa bon moman.

16 Ou ouver ou lanmen

E satisfer dezir tou sa ki vivan.

17 Zeova i toultan fer sa ki byen

E i fidel dan tou sa ki i fer.

18 Zeova i pros avek tou dimoun ki priy li,

Avek tou bann ki priy li senserman.*

19 I satisfer dezir tou bann ki annan en gran respe pour li.

I tande ler zot kriy osekour e i sov zot.

20 Zeova i protez tou bann ki kontan li,

Me i pou detri tou bann move dimoun.

21 Mon pou loue Zeova avek mon labous.

Ki tou sa ki vivan* i loue son non sen pour touzour e touzour.