Zeremi
4 La sa ki Zeova i dir, “Izrael, si ou retournen,
Si ou retourn kot mwan
E si ou tir ou bann zidol degoutan devan mwan,
Alor ou pa pou mars an tayan.+
2 Si ou fer serman avek laverite, lazistis ek ladrwatir
E ou dir, ‘Mon fer serman devan Zeova sa Bondye vivan!’
Bann nasyon pou ganny en benediksyon atraver li
E zot pou fyer akoz li.”+
3 Parski la sa ki Zeova i dir bann zonm Zida ek Zerizalenm:
“Prepar en bon later pour zot menm
E aret senm lagrenn parmi bann pye pikan.+
4 Zot bann zonm Zida ek bann zabitan Zerizalenm,
Sirkonsi zot pour Zeova
Pour ki mon gran lakoler pa brile parey en dife
E ki personn pa kapab tennyen,
Parski zot pe fer sa ki mal.”+
5 Anons sa mesaz dan Zida e dan Zerizalenm.
Kriye e soufle tronpet* partou dan sa pei.+
Kriy for e dir: “Rasanble
E annou sov dan bann lavil ki ganny proteze avek bann gro miray.+
6 Met en poto sinyal* ki montre semen pour al Siyon.
Rod en landrwa kasyet e pa bezwen debout lanmenm,”
Parski mon pe fer en maler vini sorti dan nor,+ en gran dezas.
7 I’n sorti dan brousay parey en lyon.+
Sa enn ki detrir bann nasyon in sorti.+
I’n sorti dan son landrwa pour fer ou pei vin en landrwa ki dimoun pou soke ler zot pou vwar sa ki pou’n arive avek sa pei.
Ou bann lavil pou ganny detrir e personn pa pou reste laba.+
Zot bezwen dan dey* e plere,
Parski Zeova i ankor vreman ankoler avek nou.
9 La sa ki Zeova i dir, “Sa zour, lerwa pou dekouraze,*+
E bann prens osi pou dekouraze.*
Bann pret pou per e bann profet pou etonnen.”+
10 Apre mon ti dir: “Ar wi, O Souvren Senyer Zeova! Ou’n vreman anbet sa pep+ ek Zerizalenm ler ou ti dir, ‘Zot pou annan lape,’+ kan sa ler la lepe i anba nou lagorz.”
11 Sa letan, zot pou dir sa pep ek Zerizalenm:
“En divan so sorti lo bann montanny dan dezer
Pou soufle lo fiy* mon pep,
I pa pe vini pour vannen* oubyen pour pirifye.
12 Mwan ki’n donn lord pour sa gro divan sorti dan sa bann landrwa.
Aprezan, mon pou anons bann zizman kont zot.
13 Gete! I pou vini parey bann nyaz ki anmenn lapli
E son bann saret lager i parey en tanpet divan.+
Son bann seval i pli vit ki bann leg.+
Maler lo nou, parski i’n fini pour nou!
14 Zerizalenm, lav ou leker pour tir bann move keksoz pour ou kapab ganny sove.+
Ziska kan ki ou pou kontinyen annan bann move panse?
15 Parski en lavwa pe anons sa nouvel ki sorti Dann+
E i pe anons sa maler ki sorti dan bann montanny Efraim.
16 Wi, fer bann nasyon konnen.
Anons li kont Zerizalenm.”
“Bann gardyen* pe vini sorti dan en pei byen lwen
E zot pou kriy avek bann lavil Zida.
17 Zot atak li dan tou kote parey bann gardyen ki dan lakanpanny+
Parski i’n rebel kont mwan.”+ La sa ki Zeova in dir.
18 “Ou pou peye pour ou fason fer ek ou bann aksyon.+
Sa maler ki ou pou gannyen pou fermal,
Parski i ariv ziska kot ou leker!”
19 Mon pe soufer,* mon pe soufer!
Mon santi en gro douler dan mon leker.*
Mon leker i bat for.
Mon pa kapab reste trankil,
Parski mon’n tann tapaz tronpet,
20 Zot pe anons maler apre maler,
Parski pei antye in ganny detrir.
Mon bann latant in ganny detrir en sel kou,
Mon bann latwal latant in ganny detrir en sel kou.+
21 Ziska kan mon pou kontinyen vwar sa poto sinyal
E kontinyen tann tapaz tronpet?+
22 “Parski mon pep i bet.+
Zot pa pran mwan kont.
Zot en bann garson ki bet e ki pa konpran nanryen.
Zot ase malen* pour fer sa ki mal,
Me zot pa konnen ki mannyer pour fer sa ki byen.”
23 Mon ti vwar sa pei e gete! i ti vid e i ti napa personn laba.+
Mon ti get dan lesyel, me i ti nepli annan lalimyer.+
24 Mon ti vwar bann montanny e gete! zot ti pe tranble
E bann pti montanny ti pe sekwe.+
25 Mon ti vwar e gete! i ti napa personn
E tou bann zwazo dan lesyel ti’n sove.+
26 Mon ti vwar e gete! plantasyon pye fri ti’n vin en dezer
E tou son bann lavil ti’n ganny kraze.+
Zeova ki’n fer sa,
Akoz son gran lakoler.
27 Parski la sa ki Zeova i dir: “Pei antye pou ganny abandonnen,+
Me mon pa pou detrir li konpletman.
28 Pour sa rezon sa pei pou dan dey+
E lesyel anler pou fernwanr.+
Sa i akoz mwan ki’n dir sa, mwan ki’n deside
E mon pa pou sanz mon nide,* mon pou fer sa ki mon’n dir.+
29 Ler zot tann tapaz bann kavalye ek bann ki tir fles,
Tou dimoun dan lavil i sove.+
Zot antre dan bann brousay
E zot mont lo bann ros.+
Tou bann lavil i ganny abandonnen
E personn pa reste laba.”
30 Vi ki ou’n ganny detrir, ki ou pou fer?
Ou ti abitye met bann lenz rouz,
Ou ti abitye met bann bizou annor
E ou ti abitye penn ou lizye nwanr.*
Me ou’n fer ou zoli pour nanryen,+
Parski sa bann ki ti annan dezir pour ou in rezet ou.
Aprezan zot pe rod ou pour touy ou.+
31 Mon’n tann en lavwa ki parey en madanm ki malad,
En lavwa ki parey en madanm ki dan douler ler i pe ganny son premye zanfan,
Lavwa fiy Siyon ki pe kontinyen mank respirasyon.
Anmezir ki i lev son lanmen anler,+ i dir:
“Maler pour mwan, parski mon fatige akoz bann ki touye!”