Psonm

Sanson pour dimoun ki pe monte.

129 “Depi mon zenes zot in toultan atak mwan,”+

Aprezan ki Izrael i dir:

2 “Depi mon zenes zot in toultan atak mwan+

Me zot pa’n defet mwan.+

3 Bann fermye in labour mon ledo+

E zot in fer bann gran transe.”*

4 Me Zeova i drwat,+

I’n koup lakord bann move dimoun.+

5 Tou bann ki ay Siyon

Pou ganny imilye e zot pou sove dan laont.+

6 Zot pou vin parey zerb lo twa lakaz

Ki fletri avan i ganny arase,

7 Ki pa kapab ranpli lanmen sa enn ki pe rekolte,

Ni lebra sa enn ki pe anmas bann pake zepi.

8 Bann dimoun ki pe pase pa pou dir:

“Ki Zeova i beni zot.

Nou beni zot o non Zeova.”