Psonm
En sanson David.
110 Zeova i dir mon Senyer:
“Asiz lo mon kote drwat
Ziska ki mon met ou bann lennmi anba ou lipye.”*
2 Zeova pou donn ou pouvwar pour diriz* an deor Siyon. I pou dir:
“Al domin* parmi ou bann lennmi.”
3 Ou pep pou ofer zot lekor volonterman zour ki ou larme i rasanble.*
Ou annan en group zenn* ki zoli e sen,
Zot parey laroze dan granmaten.
4 Zeova in fer serman e i pa pou sanz son nide:*
“Ou en pret pour touzour
Parey Melkisedek!”
5 Zeova pou dan ou kote drwat.
I pou kraz bann lerwa zour son lakoler.
6 I pou anmenn zizman lo bann nasyon.
I pou ranpli pei avek bann lekor mor.
7 I* pou bwar delo dan larivyer ki o bor semen.
Sanmenm sa i pou gard son latet anler.