Psonm

Sanson David pour dimoun ki pe monte.

122 Mon ti dan lazwa ler zot ti dir mwan:

“Annou al kot lakaz Zeova.”

2 Aprezan nou pe debout

Kot ou baro, Zerizalenm.

3 Zerizalenm in ganny konstrir parey en lavil

Ki’n zwenn ansanm konman en sel.

4 Dapre lalwa* ki Izrael ti gannyen,

Bann tribi in mont laba,

Bann tribi Ya,*

Pour loue non Zeova.

5 Parski bann tronn zizman ti ganny mete laba,

Bann tronn desandans David.

6 Priye pour ki Zerizalenm i anpe.

Bann ki kontan ou* pou an sekirite.

7 Ki i kontinyen annan lape dan ou lavil*

E sekirite dan ou bann gran latour.

8 Parski mon kontan mon bann frer ek zanmi mon pou dir:

“Ki i annan lape kot ou.”

9 Parski mon kontan lakaz Zeova nou Bondye,

Mon pou rod sa ki bon pour ou.