Psonm
115 Pa donn nou laglwar, O Zeova, pa nou,*
Me plito donn laglwar ou non
Akoz ou lanmour* ek ou fidelite.
2 Akoz bann nasyon i bezwen dir:
“Oli zot Bondye?”
3 Nou Bondye i dan lesyel,
I fer sa ki i oule.
4 Zot zidol i ganny fer avek larzan ek lor,
Dimoun ki fer zot.
5 Zot annan en labous, me zot pa kapab koze.
Zot annan lizye, me zot pa kapab vwar.
6 Zot annan zorey, me zot pa kapab tande,
Nennen, me zot pa kapab santi.
7 Zot annan lanmen, me zot pa kapab touse,
Lipye, me zot pa kapab marse.
Napa okenn son ki sorti dan zot lagorz.
8 Bann dimoun ki fer sa bann zidol pou vin parey zot
E osi bann ki annan konfyans dan zot.
9 Pep Izrael, annan konfyans dan Zeova
I zot led ek boukliye.
10 Bann desandans Aaron, annan konfyans dan Zeova
I zot led ek boukliye.
11 Zot ki annan en gran respe pour Zeova, annan konfyans dan Zeova
I zot led ek boukliye.
12 Zeova i mazin nou e i pou beni nou.
I pou beni bann desandans Izrael,
I pou beni bann desandans Aaron.
13 I pou beni bann ki annan en gran respe pour Zeova,
Pti konman gran.
14 Zeova pou fer zot ek zot zanfan*
Vin en kantite.
15 Ki Zeova, sa Enn ki’n fer lesyel ek later
I beni zot.
16 Lesyel i pour Zeova,
Me i’n donn later bann imen.*
17 Bann ki’n mor pa loue Ya,
Ni bann ki desann dan latonm.*
18 Me nou pou loue Ya
Depi la konmela e pour touzour.
Loue Ya!*