Psonm
148 Loue Ya!*
Loue Zeova, zot ki dan lesyel.+
Loue li anler dan lesyel.
2 Tou son bann lanz, loue li.+
Tou son larme, loue li.+
3 Soley ek lalin, loue li.
Tou bann zetwal ki briye, loue li.+
4 Lesyel ki pli o*
E delo ki par lao lesyel, loue li.
5 Ki zot loue non Zeova,
Parski i ti donn lord e zot ti ganny kree.+
6 I fer zot reste dan zot plas pour touzour e touzour.+
I’n donn lord ki pa pou zanmen fini.+
7 Loue Zeova, zot ki lo later,
Zot, bann gro zannimo ki dan lanmer e tou delo profon,
8 Zekler ek lagrel, lanez ek bann gro nyaz,
Tanpet divan ki obeir son parol,+
9 Zot, bann montanny ek tou bann pti montanny,+
Bann pye fri ek tou bann pye sed,+
10 Bann zannimo sovaz+ ek tou bann zannimo domestik,
Bann reptil* ek bann zwazo,
11 Zot, bann lerwa lo later ek tou bann nasyon,
Bann prens ek tou bann ziz lo later,+
12 Bann zenn garson ek zenn fiy,*
Bann dimoun aze ansanm avek bann zenn.*
Son laglwar i par lao later ek lesyel.+
14 I pou donn son pep plis lafors,*
Pour ki tou son bann fidel i ganny loue,
Bann garson Izrael, sa pep ki pros avek li.
Loue Ya!*