Psonm

Maskil.* Lapriyer David ler i ti dan kavern.+

142 Mon priy Zeova pour demann li led.+

Mon sipliy Zeova pour demontre labonte anver mwan.

2 Devan li, mon devid mon bann traka.

Mon dir li mon problenm+

3 Ler mon lespri i fatige.*

Alor ou vey mon semen.+

Zot kasyet en latrap pour mwan

Dan semen kot mon marse.

4 Get lo mon kote drwat e vwar

Ki personn pa pran ka avek* mwan.+

Napa en landrwa kot mon kapab sove.+

Personn pa enkyet pour mwan.

5 O Zeova, mon priy ou pour demann ou led.

Mon dir: “Ou mon refiz*+

E ou tou sa ki mon annan dan mon lavi.”*

6 Ekout mwan ler mon demann ou led,

Parski mon vreman dekouraze.

Sov mwan dan lanmen bann ki persekit mwan,+

Parski zot pli for ki mwan.

7 Tir mwan dan kaso

Pour ki mon loue ou non.

Ki sa bann ki fer sa ki byen i rasanble otour mwan

Parski ou’n demontre labonte anver mwan.