Psonm
En sanson David.
138 Mon pou loue ou avek tou mon leker.
Devan lezot bondye,
Mon pou sant kantik pour loue ou.*
2 Mon pou tonm azenou dan direksyon ou tanp sen*
E mon pou loue ou non
Akoz ou lanmour* ek ou fidelite.
Parski ou’n fer ou parol ek ou non pli gran ki tou lezot keksoz.*
3 Zour mon ti apel ou, ou ti reponn mwan.
Ou ti donn mwan kouraz* ek lafors.
4 O Zeova, tou bann lerwa lo later pou loue ou
Parski zot pou’n tann bann promes ki ou’n fer.
5 Zot pou sant lo sa ki Zeova in fer
Parski laglwar Zeova i gran.
6 Menm si Zeova i gran, i vwar bann ki annan limilite,
Me i reste lwen* avek bann ki arogan.
7 Menm ler mon mars dan en landrwa danzere, ou pou gard mwan vivan.
Ou lev ou lanmen kont mon bann lennmi ki ankoler.
Ou lanmen drwat pou sov mwan.
8 Zeova pou fer tou sa ki i anvi pour mwan.
O Zeova, ou lanmour fidel i dire pour touzour.
Pa bezwen abandonn sa ki ou’n fer.