Zob

23 Zob ti reponn:

 2 “Menm ozordi, mon pou kontinyen konplent.*+

Mon nepli annan lafors akoz mon pe plennyen.

 3 Si selman mon ti konnen kot mon kapab trouv Bondye!+

Mon ti pou al kot i reste.+

 4 Mon ti pou eksplik li mon sityasyon

E mon ti pou ekout sa ki i annan pour dir mwan.

 6 Eski i ti pou servi son gran pwisans pour lager avek mwan?

Non, sirman i ti pou ekout mwan.+

 7 Laba en dimoun ki fer sa ki byen ti pou met keksoz annord avek li

E mon Ziz ti pou dir ki mon inosan enn fwa pour tou.

 8 Me si mon al dan Les, i pa la

E ler mon retournen, mon pa vwar li.

 9 Ler i pe travay a gos, mon pa vwar li.

Apre i al a drwat, me mon pa vwar li menm.

10 Me i konnen ki semen mon’n pran.+

Apre ki i’n teste mwan, mon pou vin parey lor pir.+

11 Mon lipye in swiv son lepa fidelman.

Mon’n toultan reste lo son semen.+

12 Mon pa’n dezobeir komannman ki i’n donn mwan.

Mon’n kontan son parol+ e mon’n fer plis ki sa ki i ti ekspekte avek mwan.

13 Ler i determinen pour fer en keksoz, lekel ki kapab anpes li?+

Ler i oule fer en keksoz, i fer sanmenm.+

14 Parski i pou akonpli tou sa ki i’n deside pour mwan

E i annan en kantite keksoz koumsa ki i anvi fer.

15 Sanmenm mon enkyet akoz li

Ler mon mazin li, sa i fer mwan pli per ankor.

16 Bondye in fer mwan perdi kouraz

E sa Enn Tou Pwisan in fer mwan per.

17 Me fernwanr pa’n fer mwan reste trankil

Menm si fernwanr in kouver mon figir.