Psonm
Pour direkter lanmizik. Sa sanson pou ganny zwe avek bann lenstriman lakord. Maskil.* En sanson David ler bann Zifit ti vin dir Sail: “David pe kasyet kot nou.”+
2 O Bondye, ekout mon lapriyer.+
Ekout byen bann parol ki sorti dan mon labous.
3 Parski bann etranze i atak mwan,
Bann dimoun sovaz pe rod touy mwan.+
Zot napa respe pour Bondye.*+ (Sela)
4 Gete! Bondye i mon led,+
Zeova i avek bann ki soutenir mwan.
5 I pou fer bann move keksoz ki mon lennmi in fer refoul lo zot.+
Akoz ou fidelite, detrir zot.+
6 Mon pou volonterman ofer ou bann sakrifis.+
O Zeova, mon pou loue ou non, parski sa i byen.+