Izai
23 En mesaz konsernan Tir:+
Bann bato Tir,+ plere!
Parski por in ganny detrir e bato pa kapab antre laba.
Bann dimoun Kitim+ ki’n dir zot sa.
2 Bann zabitan lo lakot, reste trankil.
Bann marsan ki sorti Sidon+ ki travers lanmer in fer ou vin ris.
3 Lagrenn sorti Sior*+ ek rekolt sorti dan rezyon Larivyer Nil
Ti ganny anmennen lo en kantite delo.
Sa i son reveni, profi ki bann nasyon in fer.+
4 Sidon, ou sa landrwa proteksyon o bor lanmer, ou devret onte,
Parski lanmer in dir:
“Mon pa’n ganny douler en madanm ansent e mon pa’n deza ganny pti baba
E mon pa’n deza fer grandi bann garson oubyen elve bann zenn fiy.”*+
5 Zis parey dimoun ti ete ler zot ti tann nouvel konsernan Lezip,+
Dimoun pou soufer ler zot pou tann nouvel konsernan Tir.+
6 Traverse e al Tarsis
Bann zabitan lo lakot, plere!
7 Eski sa i zot lavil ki ti fyer depi lontan, depi byen lontan?
Son lipye ti abitye al reste dan bann pei ki byen lwen.
8 Lekel ki’n deside pour fer sa kont Tir,
Li ki ti donn bann kouronn,
Ki son bann marsan ti bann prens,
Ki son bann marsan ti ganny onore lo later antye?+
9 Zeova Sef larme ki’n deside pour fer sa,
Pour fer li aret orgeye akoz son labote,
Pour imilye tou sa bann dimoun ki ti ganny onore partou lo later.+
10 Fiy Tarsis, travers ou pei parey Larivyer Nil.
I nepli annan landrwa pour konstri bato.*+
11 I’n lev son lanmen lo lanmer.
I’n sekwe bann rwayonm.
Zeova in donn lord pour detrir bann landrwa proteksyon Fenisi.+
12 I dir: “Ou pou nepli dan lazwa,+
Ou sa vyerz ki pe soufer, fiy Sidon.
Leve, traverse e al Kitim.+
Menm si ou al laba, ou pa pou ganny repo.”
13 Gete! Sa i pei bann Kaldeen.+
Zot menm zot sa pep ki ti fer sa, i pa bann Asiriyen.+
Zot ti fer li vin en landrwa kot bann zannimo ki reste dan dezer i vini.
Zot ti fer bann latour pour zot kapab atake.
Zot ti kraz son bann gran latour+
E zot ti fer li vin en ta debri.
14 Bann bato Tarsis, plere,
Parski zot landrwa proteksyon in ganny detrir.+
15 Sa zour, Tir pou ganny oubliye pour 70 an,+ menm kantite letan* ki en lerwa i viv. Apre 70 an, Tir pou vin parey sa ki ganny dir dan en sanson konsernan en prostitye. Sa sanson i dir:
16 “Ou sa prostitye ki’n ganny oubliye, pran en larp e fer letour lavil.
Zwe ou larp byen.
Sant en kantite sanson,
Pour zot kapab rapel ou.”
17 Apre 70 an, Zeova pou mazin Tir. I pou rekonmans ganny peye e i pou fer prostitisyon avek tou bann rwayonm lo later. 18 Me son profi ki i gannyen ek son lapey pou vin en keksoz ki sen pour Zeova. I pa pou ganny anmase oubyen ganny met laba, parski son lapey pou vin pour bann dimoun ki reste devan Zeova, pour zot kapab manze ziska zot rasazye e pour zot met bann zoli lenz.+