Psonm
DEZYENM LIV
(Psonm 42-72)
Pour direkter lanmizik. Maskil.* En sanson bann garson Kora.+
42 O Bondye, mon vreman pe rod ou
Parey en serf ki anvi bwar delo larivyer.
2 Mon Bondye vivan, mon bezwen* ou mon Bondye.+
Kan mon kapab vin devan Bondye?+
3 Mon larm i mon manze lizour konman aswar.
Tou dilon lazournen dimoun i provok mwan e dir: “Oli ou Bondye?”+
4 La sa ki mon rapel e mon devid mon leker avek ou,
Mon ti abitye mars avek en gran lafoul.
Avek respe,* mon ti abitye mars devan zot pour al kot lakaz Bondye.
Lafoul ti pe selebre,+
Nou ti remersye ou e kriye avek lazwa.
5 Akoz mon dezespere?+
Kwa ki pe fatig mwan koumsa?
6 Mon Bondye, mon dezespere.+
7 Mon tann tapaz kaskad delo.
8 Pandan lazournen, Zeova pou demontre son lanmour fidel anver mwan
E pandan lannwit, mon pou sant en sanson lo li, en lapriyer avek Bondye ki donn mwan lavi.+
9 Mon pou dir avek Bondye, mon ros:
“Akoz ou’n oubliy mwan?+
Akoz mon bezwen mars dan latristes ler mon lennmi i fer mwan soufer?”+
10 Mon bann lennmi i ay* mwan e monk mwan.
Tou dilon lazournen zot provok mwan e dir: “Oli ou Bondye?”+
11 Akoz mon dezespere?
Kwa ki pe fatig mwan koumsa?