Psonm
Pour direkter lanmizik. Dapre ler lanmizik “Pa anmenn maler.” En sanson David. Miktam.* Ler i ti pe sov Sail e kasyet dan kavern.+
57 Demontre labonte anver mwan, O Bondye, demontre labonte anver mwan,
Parski mon rod ou proteksyon+
E mon kasyet anba ou lezel ziska ki maler i pase.+
2 Mon priy Bondye sa Enn Tre O,
Sa vre Bondye ki rezourd mon problenm.
3 Depi dan lesyel, i pou ed mwan e sov mwan.+
I pou fer sa enn ki pe atak mwan pa reisi. (Sela)
Bondye pou demontre son lanmour fidel e son fidelite anver mwan.+
4 Mon’n ganny antoure avek bann lyon.+
Mon bezwen alonze parmi bann zonm ki anvi devor mwan,
Bann ki zot ledan i parey lans ek fles
E ki zot lalang i koupe parey lepe.+
5 O Bondye, montre ki ou pli gran ki lesyel.
Ki ou ganny glorifye partou lo later.+
6 Zot in met en lasenn pour ki mon tonm dan pyez.+
Mon’n kourbe akoz problenm.+
Zot in fouy en trou devan mwan,
Me zot menm ki’n tonm ladan.+ (Sela)
Mon pou sante e zwe lanmizik.
8 Leve, mon laglwar.
Leve, lenstriman lakord e ou osi larp.
Mon pou lev granmaten.+
9 O Zeova, mon pou loue ou parmi bann pep.+
Mon pou sante* pour loue ou parmi bann nasyon.+
10 Parski ou lanmour fidel i gran, i ariv ziska dan lesyel+
E ou fidelite i ariv ziska dan lesyel.
11 O Bondye, montre ki ou pli gran ki lesyel.
Ki ou ganny glorifye partou lo later.+