Psonm
Pour direkter lanmizik. Dapre ler lanmizik “Pa anmenn maler.” En sanson David. Miktam.* Ler Sail ti anvoy bann zonm pour vey lakaz David* pour touy li.+
59 O mon Bondye, delivre mwan dan lanmen mon bann lennmi.+
Protez mwan kont bann ki pe atak mwan.+
2 Delivre mwan dan lanmen bann ki fer sa ki mal
E sov mwan dan lanmen bann dimoun vyolan.*
3 Gete! Zot kasyet pour atak mwan.+
O Zeova, bann zonm for i atak mwan
Me pa akoz mon’n rebele oubyen fer pese.+
4 Menm si mon pa’n fer nanryen mal, zot taye e met pare pour atak mwan.
Ler mon demann ou led, leve e get sa ki zot pe fer.
5 Parski ou, O Zeova Bondye bann larme, ou ki Bondye Izrael.+
Silvouple leve e get sa ki bann nasyon pe fer.
Pa pran pitye pour sa bann tret ki move.+ (Sela)
6 Tou le swar zot retournen.+
Zot zape* parey lisyen+ e fer letour lavil.+
7 Ekout sa bann parol ki sorti dan zot labous,
Zot lalev i parey bann lepe,+
Parski zot dir: “Lekel ki pe ekoute?”+
8 Me ou, O Zeova, ou pou riy zot.+
Ou pou monk tou bann nasyon.+
9 O mon Bondye, ou mon Lafors, mon pou kontinyen esper ou,+
10 Sa Bondye ki demontre lanmour fidel pou vin ed mwan.+
Bondye pou fer mwan get mon bann lennmi ler zot ganny defet.+
11 Pa touy zot, pour ki mon pep pa bliye.
Servi ou lafors pour fer zot ale vini.
O Zeova, nou boukliye,+ fer zot tonbe.
12 Ki zot lorgey i fer zot tonm dan latrap+
Akoz pese ek parol ki sorti dan zot labous
E akoz zot koz manti e donn malediksyon.
13 Detrir zot dan ou gran lakoler.+
Detrir zot, pour ki zot nepli la,
Fer zot konnen ki Bondye pe diriz dan pei Zakob e lo later antye.+ (Sela)
15 Fer zot ale vini pour rod keksoz pour manze.+
Pa les zot rasazye oubyen ganny en landrwa reste.
16 Me mwan, mon pou sant konsernan ou lafors.+
Dan bomaten, avek lazwa mon pou koz lo ou lanmour fidel.