Psonm

Pour direkter lanmizik. Sa sanson i devret ganny zwe avek bann lenstriman lakord. En sanson David.

61 O Bondye, ekout mwan ler mon demann ou led.

Ekout mon lapriyer.+

2 Ler mon dezespere,* mon pou priy ou

Depi dan bann landrwa pli lwen lo later.+

Anmenn mwan lo en ros ki pli o ki mwan.+

3 Parski ou mon landrwa kasyet,

En latour for ki protez mwan kont mon lennmi.+

4 Mon pou ganny envite dan ou latant pour touzour.+

Mon pou kasyet anba ou lezel.+ (Sela)

5 Parski ou, O Bondye, ou’n tann mon bann ve.

Ou’n donn mwan leritaz bann ki annan en gran respe pour ou non.+

6 Ou pou fer lerwa viv pli lontan*+

E i pou viv bokou letan, zenerasyon apre zenerasyon.

7 I pou asiz lo tronn* devan Bondye pour touzour.+

Donn li ou lanmour fidel ek ou fidelite pour ki zot protez li.+

8 Alor mon pou sant kantik* pour loue ou non pour touzour+

E mon pou gard mon bann ve zour apre zour.+