Psonm
Pour direkter lanmizik. Dapre ler lanmizik “Lis ki donn temwannyaz.” Miktam.* En sanson David. Pour ansennyen. Ler i ti lager avek Aram-Naaraim e Aram-Zoba e Zoab ti retournen apre ki i ti’n touy 12,000 Edonmit dan Vale Disel.+
60 O Bondye, ou’n rezet nou, ou’n defet nou.*+
Ou’n ankoler avek nou, me aprezan aksepte nou ankor.
2 Ou’n fer later tranble, ou’n fann li an de.
Repar li, parski later pe degrengole.
3 Ou’n fer ou pep pas dan en kantite problenm.
Ou’n fer nou bwar diven ki fer nou drive.+
4 Donn* en sinyal bann ki annan en gran respe pour ou
Pour ki zot sove e say bann fles. (Sela)
5 Sov nou avek ou lanmen drwat e reponn nou,
Pour ki dimoun ki ou kontan i ganny delivre.+
6 Bondye ki sen* in dir:
7 Gilead i pour mwan e Manase osi.+
Efraim i en kask* pour mon latet.
Zida i mon baton komandan.+
8 Moab i mon kivet bennyen.+
Mon pou zet mon sandalet lo Edonm.+
Mon pou selebre akoz Filisti in ganny defet.”+
9 Lekel ki pou anmenn mwan kot sa lavil ki’n ganny anserkle?*
Lekel ki pou anmenn mwan ziska Edonm?+
10 O Bondye, ou nepli diriz nou larme.+
Nou Bondye, pa ou ki’n rezet nou?
11 Ed nou ler nou dan problenm,
Parski i pa vo lapenn esper bann imen sov nou.+