Psonm
74 O Bondye, akoz ou’n rezet nou pour touzour?+
Akoz ou ankoler avek bann mouton ki ou ti pran swen avek?+
2 Mazin sa pep ki ou ti swazir depi byen lontan,+
Sa tribi ki ou ti delivre pour ki i vin ou leritaz.+
Mazin Montanny Siyon, kot ou ti reste.+
3 Al kot sa landrwa ki’n ganny konpletman detrir.+
Lennmi in detrir tou keksoz dan landrwa sen.+
4 Ou bann lennmi ti kriye dan landrwa kot ou ganny adore.*+
Zot ti met zot bannyer* laviktwar laba.
5 Zot ti parey bann zonm ki pe servi lars dan en lafore.
6 Avek zot lars ek bar feray, zot ti kas tou son bann dekorasyon.+
7 Zot ti met dife dan ou landrwa sen.+
Zot ti mank respe pour tabernak* ki port ou non e zet li ater.
8 Zot ek zot desandans in dir dan zot leker:
“Tou bann landrwa kot Bondye i ganny adore* dan pei i devret ganny brile.”
9 Nou pa vwar okenn siny,
I nepli annan profet
E personn parmi nou pa konnen konbyen letan sa pou dire.
10 O Bondye, ziska kan ki ou lennmi pou kontinyen provok ou?+
Eski ou lennmi pou mank respe pour ou non pour touzour?+
11 Akoz ou pa servi ou lanmen, ou lanmen drwat pour pran aksyon?+
Silvouple tir ou lanmen dan ou lenz* e detrir zot.
12 Me Bondye i mon Lerwa depi lontan,
Sa Enn ki azir pour sov nou lo later.+
13 Avek ou lafors, ou ti fer lanmer azite.+
Ou ti kraz latet bann gro bebet ki dan lanmer.
16 Lizour ek lannwit i pour ou.
Ou’n fer lalimyer ek soley.+
18 O Zeova, pa bliye ki ou bann lennmi in provok ou,
Ki mannyer en pep ki bet in mank respe pour ou non.+
19 Pa les bann bebet sovaz touy ou tourtrel.
Pa oubliy pour touzour ou pep ki pe soufer.
20 Mazin sa lalyans,
Parski bann dimoun vyolan i reste dan bann landrwa fernwanr lo later.
21 Pa les sa enn ki ganny abize dezapwente.+
Ki bann malere ek bann pov i loue ou non.+
22 O Bondye, silvouple leve e defann ou lekor.
Pa bliye ki mannyer bann dimoun bet i provok ou tou dilon lazournen.+
23 Pa oubliye ki ou bann lennmi pe dir.
Tapaz bann ki opoz ou i kontinyen monte ziska dan lesyel.