Psonm
Pour direkter lanmizik. Dapre ler lanmizik “Bann lis.” En rapel. En sanson Asaf.+
80 O Berze Izrael, ekoute,
Ou ki pe gid Zozef zis parey en troupo mouton.+
3 O Bondye, donn nou ou laprouvasyon ankor.*+
Demontre ou labonte anver* nou pour ki nou kapab ganny sove.+
4 Zeova Bondye bann larme, ziska kan ki ou pou ankoler e refize ekout lapriyer ou pep?+
5 Ou’n donn nou larm dan plas dipen
E ou’n fer nou bwar en kantite larm.
6 Ou’n les nou bann vwazen lager avek kanmarad akoz nou.
Nou bann lennmi i kontinyen monk nou mannyer zot anvi.+
7 O Bondye bann larme, donn nou ou laprouvasyon ankor.
Demontre ou labonte anver* nou pour ki nou kapab ganny sove.+
8 Ou ti fer en pye rezen+ sorti Lezip.
Ou ti pous bann nasyon e ou ti plant li.+
9 Ou ti prepar en landrwa pour li,
I ti pran rasin e ranpli sa pei.+
10 Son lonbraz ti kouver bann montanny
E son bann brans ti kouver bann pye sed Bondye.
13 Bann koson maron dan lafore in detrir li
E bann zannimo sovaz dan lakanpanny in manz li.+
14 O Bondye bann larme, silvouple retournen.
Depi dan lesyel, get sa ki pe arive!
16 I’n ganny koupe e brile dan dife.+
Zot ganny detrir akoz ou’n koriz zot.
17 Silvouple soutenir sa zonm ki dan ou kote drwat,
Wi, sa garson zonm ki ou’n fer vin for pour ou laglwar.+
18 Alor nou pa pou vir kont ou.
Gard nou vivan pour ki nou kapab loue* ou non.
19 O Zeova Bondye bann larme, donn nou ou laprouvasyon ankor.
Demontre ou labonte anver* nou pour ki nou kapab ganny sove.+