Proverb
23 Ler ou asize pour manze avek en lerwa,
Get byen sa ki devan ou.
2 Met en kouto kot ou lagorz*
Si ou vreman lafen.
3 Pa bezwen anvi son bann bon manze,
Parski sa manze i en latrap.
4 Pa bezwen rente pour ganny larises.
Arete e montre ki ou entelizan.*
5 Ler ou pou get li, i pou nepli la,
Parski i pou sirman ganny lezel parey en leg e i pou anvole dan lesyel.
6 Pa bezwen manz manze en dimoun ki avar,*
Pa bezwen anvi son bann bon manze,
7 Parski i parey en dimoun ki vey sa ki lezot dimoun i fer.*
I dir ou: “Manze e bwar,” me i pa vreman anvi ou fer sa.*
8 Ou pou vomi sa ki ou’n manze
E i pa pou vo lapenn ki ou’n felisit li.
9 Pa bezwen koz avek en dimoun ki bet,
Parski i pa pou kontan* bann keksoz saz ki ou dir li.
10 Pa bezwen bouz en taso ki’n la depi lontan
E desot balizaz plantasyon en orfelen.*
11 Parski sa Enn ki defann zot* i for.
I pou defann zot e opoz ou.
12 Aksepte disiplin avek tou ou leker
E ekout byen konnesans.
13 Pa bezwen ezite pour disiplin en zanfan.*
I pa pou mor si ou bat li avek en baton.*
15 Mon garson, si ou leker i vin saz,
Mon leker pou dan lazwa.
17 Pa les ou leker anvi vin parey dimoun ki fer pese,
Me annan en gran respe pour Zeova lazournen antye,
18 Koumsa ou pou annan en lavenir
E ou pa pou perdi ou lespwar.
19 Mon garson, ekoute e vin saz.
Fer ou leker al lo sa bon semen.
20 Pa frekant dimoun ki bwar tro bokou diven
E bann ki manz tro bokou lavyann,
21 Parski en soular e sa enn ki manz tro bokou pou vin pov.
Dimoun ki ansonmey pou met lenz desire.
23 Aste* laverite e pa zanmen vann li.
Aste lasazes, disiplin ek lentelizans.*
24 Papa en dimoun ki fer sa ki byen* pou sirman dan lazwa.
Papa en garson ki saz pou kontan akoz li.
25 Ou papa ek ou manman pou kontan
E ou manman ki’n donn ou lavi pou dan lazwa.
27 Parski en prostitye i en trou ki fon
E en madanm imoral* i en pwi ki etrwat.
28 I espere parey en voler.
I fer en kantite zonm vin enfidel.
29 Lekel ki dan maler? Lekel ki pa santi li byen?
Lekel ki dispit? Lekel ki konplent?
Lekel ki’n ganny blese san okenn rezon? Lekel ki son lizye i fatige?*
30 Bann dimoun ki pas zot letan bwar diven,
Bann dimoun ki pe rod* diven ki’n melanze.
31 Pa bezwen get kouler sa diven rouz
Ler i klate dan lakoup e i glise an desandan,
32 Parski finalman, i morde parey en serpan
E i larg son pwazon parey en serpan anpwazonnen.*
33 Ou pou vwar bann keksoz drol
E ou leker pou dir bann move keksoz.
34 Ou pou parey en dimoun ki pe alonze dan milye lanmer,
Parey en dimoun ki pe alonze anler lo lema en bato.
35 Ou pou dir: “Zot in tap mwan, me mon pa’n santi nanryen.*
Zot in bat mwan, me mon pa ti konnen.
Kan ki mon pou leve?
Mon bezwen en lot bwar.”*