Psonm
136 Dir Zeova mersi, parski i bon.
Son lanmour fidel i dire pour touzour.
2 Dir Bondye bann bondye mersi,
Parski son lanmour fidel i dire pour touzour.
3 Dir Senyer bann senyer mersi,
Parski son lanmour fidel i dire pour touzour.
4 Zis li tousel ki fer bann keksoz merveye,
Parski son lanmour fidel i dire pour touzour.
5 I’n byen fer lesyel,*
Parski son lanmour fidel i dire pour touzour.
6 I’n tal later par lao delo,
Parski son lanmour fidel i dire pour touzour.
7 I’n fer bann gro lalimyer,
Parski son lanmour fidel i dire pour touzour,
8 Soley ki klere* pandan lazournen,
Parski son lanmour fidel i dire pour touzour,
9 Lalin ek zetwal ki klere* pandan lannwit,
Parski son lanmour fidel i dire pour touzour.
10 I ti touy bann premye ne Lezip,
Parski son lanmour fidel i dire pour touzour.
11 I ti fer Izrael sorti Lezip,
Parski son lanmour fidel i dire pour touzour,
12 Avek son lanmen for ek son gran pwisans,*
Parski son lanmour fidel i dire pour touzour.
13 I ti separ Lanmer Rouz an de,*
Parski son lanmour fidel i dire pour touzour.
14 I ti fer pep Izrael pas dan milye lanmer,
Parski son lanmour fidel i dire pour touzour.
15 I ti zet Faraon ek son larme dan Lanmer Rouz,
Parski son lanmour fidel i dire pour touzour.
16 I ti gid son pep dan dezer,
Parski son lanmour fidel i dire pour touzour.
17 I ti defet bann gran lerwa,
Parski son lanmour fidel i dire pour touzour.
18 I ti touy bann lerwa pwisan,
Parski son lanmour fidel i dire pour touzour,
19 Sionn lerwa bann Amorit,
Parski son lanmour fidel i dire pour touzour,
20 Og lerwa Basann,
Parski son lanmour fidel i dire pour touzour.
21 I ti donn Izrael zot pei konman leritaz,
Parski son lanmour fidel i dire pour touzour,
22 En leritaz pour son serviter Izrael,
Parski son lanmour fidel i dire pour touzour.
23 I ti mazin nou ler nou ti dekouraze,*
Parski son lanmour fidel i dire pour touzour.
24 I ti kontinyen sov nou dan lanmen nou lennmi,
Parski son lanmour fidel i dire pour touzour.
25 I donn manze tou sa ki vivan,*
Parski son lanmour fidel i dire pour touzour.
26 Dir mersi Bondye lesyel,
Parski son lanmour fidel i dire pour touzour.