Proverb
29 En dimoun ki kontinyen antete* menm si i’n ganny korize plizyer fwa
Pou ganny kraze en sel kou e i pou napa gerizon.
2 Ler i annan en kantite dimoun ki fer sa ki byen,* dimoun i dan lazwa,
Me ler en move dimoun i dirize, dimoun i plennyen.
3 En dimoun ki kontan lasazes i fer son papa zwaye,
Me sa enn ki frekant bann prostitye i gaspiy son larises.
4 Avek lazistis, en lerwa i fer son pei stab,
Me en dimoun ki pran gous i fer sa pei pas dan problenm.
5 Sa enn ki flat son prosen
I met en latrap devan li.
6 Fot ki en move dimoun i fer i vin en latrap pour li,
Me sa enn ki fer sa ki byen i kriye avek lazwa e i kontan.
7 En bon dimoun i enterese avek drwa legal dimoun pov,
Me en move dimoun pa enterese avek sa.
8 Bann dimoun vantar i fer problenm dan en lavil,
Me bann ki saz i fer dimoun aret ankoler.
9 Ler en dimoun saz i annan en problenm avek en dimoun bet,
Zot pou dispit e boufonn kanmarad, me sa pa pou abouti dan nanryen.
12 Ler en sef i ekout bann mansonz,
Tou son serviter pou vin bann move dimoun.
13 I annan en keksoz ki parey ant en dimoun pov ek en dimoun ki fer lezot soufer,*
Zeova i donn zot tou le de lalimyer.*
14 Ler en lerwa i ziz dimoun pov dan en fason zis,
Son tronn pou toultan an sekirite.
16 Ler i annan en kantite move dimoun, i annan en kantite pese,
Me dimoun ki fer sa ki byen pou vwar ler zot tonbe.
17 Disiplin ou garson e i pou fer ou anpe.
I pou fer ou vreman kontan.
18 Ler napa gidans Bondye,* bann dimoun i fer sa ki zot oule,
Me ere bann ki obeir lalwa.
19 En serviter pa pou les dimoun koz avek li pour koriz li,
Parski menm si i konpran, i pa obeir.
20 Eski ou’n deza vwar en dimoun ki koze avan i reflesir?
I annan plis lespwar pour en dimoun bet ki pour li.
21 Si en serviter i ganny gate depi ler i ankor zenn,
I pa pou rekonesan pli tar.
22 En dimoun ki ankoler vitman i fer bann dimoun dispit.
Sa enn ki pran en gran lakoler i fer en kantite fot.
23 En dimoun pou ganny abese akoz i arogan,
Me sa enn ki annan limilite pou ganny laglwar.
24 En dimoun ki ed en voler i ay son prop lekor.
I kapab tande ler zot pe rod en temwen,* me i pa al dir nanryen.
25 I* en latrap si ou tranble devan* dimoun,
Me sa enn ki annan konfyans dan Zeova pou ganny proteze.
26 En kantite dimoun i anvi koz avek en sef,*
Me Zeova ki fer dimoun ganny lazistis.
27 Sa enn ki fer sa ki byen i ay dimoun ki enzis
E sa enn ki move i ay dimoun ki fer sa ki byen.