Psonm
Pour direkter lanmizik. Sa sanson i devret ganny zwe avek bann lenstriman lakord. En sanson David.
4 Ler mon kriy ou, reponn mwan, O mon Bondye ki drwat!
Ler mon dan problenm, ed mwan pour vwar en semen sorti.*
Demontre labonte anver mwan e ekout mon lapriyer.
2 Zot bann zonm,* ziska ki tan zot pou imilye mwan dan plas onor mwan?
Ziska ki tan zot pou kontan bann keksoz ki napa valer e rod bann keksoz ki pa vre? (Sela)
3 Mazinen ki Zeova pou tret son serviter ki fidel dan en fason spesyal.*
Zeova pou ekoute ler mon kriy li.
4 Ler zot ankoler, pa fer pese.
Koz dan zot leker lo zot lili e reste trankil. (Sela)
5 Ofer bann sakrifis ladrwatir
E annan konfyans dan Zeova.
6 Bokou dimoun pe dir: “Lekel ki pou montre nou sa ki bon?”
O Zeova, beni* nou.
7 Ou’n ranpli mon leker avek plis lazwa
Ki bann ki’n fer en bon rekolt dible ek nouvo diven.
8 Mon pou alonze e dormi anpe,
Parski zis ou tousel, O Zeova, ki fer mwan viv an sekirite.