Psonm
Pour direkter lanmizik. En sanson bann garson Kora.
49 Tou bann pep, ekout sa.
3 Mon labous pou dir bann parol saz
E sa ki mon leker i medit lo la pou montre ki mon annan lentelizans.
4 Mon pou ekout en proverb.
Mon pou eksplik en parabol* ler mon zwe larp.
5 Akoz mon bezwen per dan letan difisil
Ler mon bann lennmi ki anvi fer mwan ditor i antour mwan?
6 Bann ki annan konfyans dan zot larises
E ki pe fer vantar akoz zot gran larises,
7 Ni menm enn pa pou zanmen kapab delivre* en frer
Oubyen donn Bondye en ranson* pour li,
8 (Personn pa pou zanmen kapab pey sa ranson
Parski pri pour zot lavi i tro ser),
9 Pour ki i viv pour touzour e pa zanmen vwar latonm.*
10 I vwar ki menm bann dimoun saz i mor
Parey bann enbesil ek dimoun bet i mor
E zot bezwen kit deryer zot larises pour lezot.
11 Dan zot leker, zot swete ki zot lakaz i reste pour touzour
E zot latant, zenerasyon apre zenerasyon.
Zot in donn zot propriyete zot prop non.
12 Menm si en dimoun i ganny onore, i pa pou reste vivan
I pa pli meyer ki bann zannimo ki mor.
13 La sa ki arive avek dimoun bet
Ek bann ki swiv zot, ki pran plezir dan bann parol ki pa fer sans. (Sela)
14 Parey bann mouton ki pe al ganny touye, zot in ganny kondannen pour al dan Latonm.*
Parey en berze, lanmor pou gid zot.
Dan bomaten, bann dimoun ki fer sa ki byen pou diriz zot.
Zot pou konpletman disparet,
Olye viv dan en pale, Latonm* pou vin zot lakaz.
16 Pa bezwen per si en dimoun i vin ris
E si son lakaz i vin pli zoli,
17 Parski ler i mor, i pa kapab anmenn nanryen avek li,
Son larises pa pou al avek li.
18 Tou dilon son lavi, i felisit son prop lekor,
(Dimoun i onor ou ler ou pe prospere)
19 Me finalman, li osi i pou mor parey son bann zanset.
Zot pa pou zanmen vwar lalimyer ankor.
20 En dimoun ki pa konpran sa, menm si i ganny onore,
I pa pli meyer ki bann zannimo ki mor.