Psonm
116 Mon kontan Zeova
Akoz i ekout mwan,* i ekoute ler mon sipliy li pour ed mwan.
3 Bann lakord lanmor ti anserkle mwan.
Latonm ti’n graponn mwan.*
Mon ti vreman dan lapenn e dan sagrinasyon.
4 Me mon ti demann led Zeova:*
“O Zeova, sov mwan!”
5 Zeova i annan konpasyon* e i fer sa ki byen,
Nou Bondye i pran pitye.
6 Zeova i protez bann ki napa leksperyans.
Mon ti vreman dekouraze e i ti sov mwan.
7 Ki mon santi mwan anpe ankor enn fwa,
Parski Zeova in demontre labonte anver mwan.
8 Ou’n delivre mwan dan lanmor,
Ou’n fer mwan aret plere e ou’n anpes mwan tonbe.
9 Mon pou mars devan Zeova ler mon ankor vivan.*
10 Mon ti annan lafwa, alor mon ti koze.
Mon ti soufer en kantite.
11 Me mwan, mon ti per e dir:
“Tou dimoun i koz manti.”
12 Ki mon pou rann Zeova
Pour tou bann bon keksoz ki i’n fer pour mwan?
13 Mon pou bwar dan lakoup delivrans
E mon pou loue non Zeova.
14 Devan son pep, mon pou gard bann ve
Ki mon’n fer avek Zeova.
16 O Zeova, mon sipliy ou,
Parski mwan mon ou serviter.
Mon ou serviter, garson ou servant.
Ou’n liber mwan avek sa lakord ki anmar mwan.
17 Mon pou ofer ou en sakrifis remersiman,
Mon pou loue non Zeova.
18 Devan son pep, mon pou gard bann ve
Ki mon’n fer avek Zeova,
19 Dan bann lakour lakaz Zeova,
Dan lavil Zerizalenm.
Loue Ya!*