Izai
58 “Kriy byen for, kriy avek tou ou kouraz!
Kriye parey en tronpet.*
Fer mon pep konn bann move keksoz ki zot in fer,+
Fer desandans* Zakob konn zot bann pese.
2 Zot rod mwan tou le zour
E zot dir ki zot anvi konn mon bann fason fer,
Konmsi zot en nasyon ki’n fer sa ki byen*
E ki pa’n aret obeir bann lalwa zot Bondye.+
Zot demann mwan pour ziz dan en fason ki zis,
Konmsi zot anvi vin pros avek Bondye:+
3 ‘Akoz ou pa vwar ler nou zennen?*+
Akoz ou pa remarke ler nou fer nou lekor soufer?’+
Parski zour ki zot zennen, zot rod zot prop lentere*
E zot fer soufer zot bann travayer.+
4 Ler zot zennen, zot dispit e lager
E zot donn bann gro koudpwen.
Zot pa kapab zennen parey zot pe fer ozordi e ekspekte ki mon tann zot lavwa dan lesyel.
5 Eski koumsanmenm ki mon ti demann zot pour zennen,
Konmsi sa i en zour pour en dimoun fer son lekor soufer,
Pour li bes son latet anba parey fatak,
Pour li alonz lo latwal goni* e dan lasann?
Eski sanmenm sa ki zot apel zennen e en zour ki fer plezir Zeova?
6 Non, la ki mannyer mon ti demann zot pour zennen:
Zot devret tir bann lasenn ki’n ganny mete pour fer ditor,
Delarg bann lakord ki anmar sa bar dibwa,*+
Les bann dimoun ki pe soufer ale+
E kas tou bann bar dibwa an de.
7 Ou devret partaz ou dipen avek bann dimoun ki lafen,+
Fer bann ki pov ek bann ki napa en landrwa reste vin kot ou.
Ler ou vwar en dimoun ki napa lenz, ou devret donn li en lenz+
E ou pa devret vir ou ledo avek ou fanmir.
8 Alor ou lalimyer pou klere parey soley dan granmaten+
E ou pou rekipere byen vit.
Ou ladrwatir pou al par devan ou
E laglwar Zeova pou protez ou par deryer.+
9 Apre, ou pou kriy Zeova e i pou reponn ou.
Ou pou demann li led e i pou dir, ‘La mon la!’
Si ou tir sa bar dibwa parmi zot
E ou aret montre ledwa e aret dir sa ki mal,+
10 Si ou donn dimoun ki lafen en keksoz ki ou menm ou kontan+
E si ou donn dimoun ki pe soufer tou sa ki zot bezwen,
Ou lalimyer pou klere menm dan fernwanr
E ou fernwanr pou parey soley midi.+
11 Zeova pou toultan gid ou
E i pou donn ou sa ki ou bezwen menm dan en landrwa sek.+
I pou fer ou bann lezo vin pli for
E ou pou vin parey en zarden ki ganny byen aroze,+
Parey en sours delo ki toultan annan delo.
12 Zot pou rekonstri bann landrwa ki’n ganny detrir depi lontan pour ou+
E ou pou aranz bann fondasyon ki’n la pour plizyer zenerasyon.+
Zot pou apel ou sa dimoun ki aranz bann miray ki’n kase,*+
Sa dimoun ki aranz bann semen pour dimoun kapab reste dan sa bann landrwa.
13 Si ou pa* rod ou prop lentere* lo mon zour sen zis akoz i Saba+
E ou dir ki Saba i en zour ki ou vreman pran plezir ladan, en zour sen pour Zeova, en zour ki devret ganny glorifye+
E ou glorifye li dan plas rod ou prop lentere e ou pa dir bann keksoz ki pa fer sans,
14 Ou pou vreman pran plezir dan Zeova
E mon pou fer ou mars lo bann landrwa o lo later.+
Mon pou fer ou manz* bann keksoz ki ou pou gannyen dan leritaz Zakob ou zanset,+
Parski Zeova ki’n dir sa.”