Izai

37 Dek ki Lerwa Ezekya ti tann sa, i ti desir son lenz e met latwal goni* lo li. Apre i ti al dan lakaz Zeova.+ 2 Apre sa, i ti fer Eliakim ki ti ansarz lakaz* lerwa, Sebna ki ti sekreter ek bann sef pret al kot profet Izai+ garson Amoz. Zot ti met latwal goni lo zot. 3 Zot ti dir li: “La sa ki Ezekya i dir, ‘Ozordi i en zour ladetres, en zour lensilt* e en zour laont, parski bann zanfan in pare pour ne* me zot manman napa lafors pour ganny zot zanfan.+ 4 Petet Zeova ou Bondye pou tann sa ki Rabsake in dir, li menm ki lerwa Asiri son senyer in anvoye pour provok sa Bondye vivan.+ Petet Zeova ou Bondye pou fer li rann kont pour sa ki i’n dir. Alor, fer en lapriyer+ pour bann dimoun ki’n sirviv.’”+

5 Alor bann serviter Lerwa Ezekya ti al kot Izai+ 6 e Izai ti dir zot: “La sa ki zot devret dir zot senyer, ‘La sa ki Zeova i dir: “Pa bezwen per+ sa ki zot in tande, sa ki bann serviter lerwa Asiri+ in dir kont* mwan. 7 Mon pou met en nide dan son lespri. I pou tann en mesaz e i pou retourn dan son pei.+ Mon pou fer li ganny touye avek en lepe dan son prop pei.”’”+

8 Ler Rabsake ti tande ki lerwa Asiri ti’n aret atak Lakis, i ti retourn kot li e i ti zwenn li pe lager avek Libna.+ 9 Ler lerwa ti tande ki Tiraka lerwa Etyopi ti’n vin lager avek li, i ti anvoy bann mesaze ankor kot Ezekya+ pour dir: 10 “La sa ki zot devret dir Ezekya lerwa Zida, ‘Pa bezwen les ou Bondye ki ou annan konfyans ladan anbet ou par dir: “Zerizalenm pa pou ganny livre dan lanmen lerwa Asiri.”+ 11 Gete! Ou’n tande ki bann lerwa Asiri in fer avek tou bann pei. Zot in detrir sa bann pei konpletman.+ Eski ou krwar ki zis ou ki pou ganny sove? 12 Eski bann bondye sa bann nasyon ki mon bann zanset in detrir, in sov zot?+ Oli Gozann, Arann,+ Rezef ek bann dimoun Edenn ki ti Tel-Asar? 13 Oli lerwa Amat, lerwa Arpad ek lerwa bann lavil Sefarvaim,+ Ena ek Iva?’”

14 Ezekya ti pran sa bann let avek bann mesaze. I ti lir sa bann let e apre i ti al kot lakaz Zeova e ouver sa bann let devan Zeova.+ 15 Ezekya ti konmans priy Zeova.+ I ti dir: 16 “O Zeova Sef larme,+ Bondye Izrael ki pe asiz lo tronn par lao* bann seriben,* zis ou tousel ki sa vre Bondye tou bann rwayonm lo later. Ou’n fer lesyel ek later. 17 O Zeova, ekout byen!*+ O Zeova, ouver ou lizye e vwar!+ Ekout sa mesaz ki Senakerib in anvoye pour provok ou, sa Bondye vivan.+ 18 O Zeova, i vre ki bann lerwa Asiri in detrir tou bann pei+ ek zot prop pei osi. 19 Zot in zet zot bann bondye dan dife+ akoz zot pa bann bondye me imen ki’n fer zot+ avek dibwa ek ros. Sanmenm sa zot in kapab detrir zot. 20  Me aprezan, O Zeova nou Bondye, sov nou dan son lanmen. O Zeova, koumsa tou rwayonm lo later pou konnen ki zis ou tousel ki Bondye.”+

21 Izai garson Amoz ti anvoy sa mesaz pour Ezekya: “La sa ki Zeova Bondye Izrael i dir, ‘Vi ki ou’n priy avek mwan konsernan Senakerib lerwa Asiri,+ 22 la sa ki Zeova i dir kont li:

“Sa fiy vyerz ki sorti Siyon i ay ou e boufonn ou.

Sa fiy ki sorti Zerizalenm i sekwe son latet ler i vwar ou.

23 Lekel sa enn ki ou’n provoke+ e ki ou’n koz an mal lo li?

Avek lekel ou’n lev ou lavwa+

E lev ou lizye arogan avek?

Ou’n fer sa avek sa Enn ki Sen Izrael!+

Mon pou mont bann montanny,+

Bann landrwa pli lwen dan Liban.

Mon pou koup son bann gran pye sed, son bann pli bon pye zenevriye.*

Mon pou antre dan son bann landrwa pli o, dan son bann lafore kot i annan plis pye dibwa.

25 Mon pou fouy bann pwi e bwar delo.

Mon pou fer bann larivyer* Lezip sek avek mon lipye.’

26 Ou pa’n tande? Depi lontan, sa in ganny deside.*

Mon’n prepar* sa depi byen lontan.+

Aprezan, mon pou fer li.+

Ou pou fer bann lavil ki ganny proteze avek bann gro miray vin en ta debri.+

27 Zot bann zabitan pa pou kapab fer nanryen.

Zot pou vreman per e zot pou onte.

Zot pou vin parey bann plant dan lakanpanny e parey bann zerb ver,

Parey zerb lo bann twa ki’n ganny brile dan divan les.

28  Me mon konn byen ler ou asize, ler ou sorti, ler ou antre+

Alor, mon pou met mon lanmson* dan ou nennen e mon pou kontrol ou*+

E mon pou fer ou retourn kot ou sorti.”

30 “‘Sa pou sa siny pour ou:* Sa lannen zot pou manz sa ki pous lo li menm.* Lannen prosenn, zot pou manz bann lagrenn ki pouse sa lannen. Son lannen apre, zot pou senm lagrenn e rekolte. Zot pou osi plant bann plantasyon rezen e manz zot bann fri.+ 31 Bann ki’n sove dan fanmir Zida, sa bann ki reste,+ zot rasin pou pous anba e zot pou raport fri anler. 32 Parski larestan dimoun pou sorti Zerizalenm e bann sirvivan pou sorti dan Montanny Siyon.+ Zeova Sef larme pou fer sa avek devouman.+

33 “‘Alor, la sa ki Zeova i dir konsernan lerwa Asiri:+

“I pa pou antre dan sa lavil,+

Ni tir en fles,

Ni atak li avek en boukliye,

Ni met en ta later apiye avek miray sa lavil pour atak li.”’+

34 ‘I pou retourn par sa menm semen ki i ti vini.

I pa pou antre dan sa lavil.’ La sa ki Zeova in dir.

35 ‘Mon pou defann sa lavil+ e sov li akoz mon non+

E akoz David mon serviter.’”+

36 En lanz Zeova ti al touy 185,000 zonm dan kan bann Asiriyen. Son lannmen granmaten ler dimoun ti leve, zot ti vwar tou bann lekor mor.+ 37 Alor, Senakerib lerwa Asiri ti kit sa landrwa e retourn Niniv.+ I ti reste laba menm.+ 38 Ler i ti pe azenou kot lakaz* Nisrok son bondye, Adramelek ek Sarezer, son bann garson ti touy li avek lepe.+ Apre, zot ti sove e al dan rezyon Ararat.+ Son garson Esar-Adonn+ ti vin lerwa dan son plas.