Kouvertir deryer

FANMIY i pli vye lenstitisyon lo later, me ozordi i dan problenm. Sa ogmantasyon efreyan parmi bann adolesan ki abiz drog e komet imoralite, divors ek vyolans dan fanmiy, ogmantasyon dan lakantite fanmiy paran tousel, ek lezot problenm grav i fer serten dimoun panse si lavi fanmiy pou sirviv.

Eski i ankor posib pour en fanmiy annan en latmosfer ki stab, kot sak manm i trouv proteksyon ek lankourazman? Wi, si bann manm fanmiy i konn vre sekre pour en fanmiy ere. Sa sekre i disponib. Pandan plizyer syek sa sekre in ganny aplike e levidans in montre ki i efikas. Lekel sa sekre? Sa liv, Sekre pour en Fanmiy ere, i donn larepons. I osi donn bann legzanp pratik lo konman sa “sekre” i kapab ede rezourd en kantite problenm ki pe afekte bann fanmiy. Eski i annan dimoun ozordi ki pa bezwen sa lenformasyon?