Ki si sa lavolonte Bondye?

Bondye i oule ki nou viv ere e anpe dan en paradi lo later pour touzour!

Petet ou kapab demande: ‘Eski sa i posib?’ Labib i dir ki Rwayonm Bondye pou fer sa posib e Bondye i oule ki tou dimoun i konnen ki si sa sa Rwayonm e ki son plan pour nou.​—Psonm 37:11, 29; Izai 9:7.

Bondye i oule ki nou reisi dan nou lavi.

Zis parey en bon papa i oule sa ki pli meyer pour son zanfan, nou Papa ki dan lesyel i oule ki nou ere pour touzour. (Izai 48:17, 18) I’n promet ki sa enn “ki fer lavolonte Bondye i reste eternelman.”​—1 Zan 2:17.

Bondye i oule ki nou mars dan son santye.

Labib i dir ki nou Kreater i anvi “enstri nou konsernan son semen” pour ki ‘nou mars dan son santye.’ (Izai 2:2, 3) I’n organiz “en pep pour son non” pour ki tou dimoun lo later i konn son lavolonte.​—Akt 15:14.

Bondye i oule ki nou tou nou ini pour ador li.

Olye diviz bann dimoun, vre ladorasyon pour Zeova i ini zot ansanm dan lanmour. (Zan 13:35) Lekel ozordi ki pe ansenny dimoun partou kote konman pour servi Bondye dan linite? Nou ankouraz ou pour vwar pour ou menm dan sa pti liv.