En not pour bann paran

Ki sa pli bon kado ou kapab donn ou zanfan? I annan bokou keksoz ki zot bezwen e parmi se ou lanmour, gidans ek proteksyon. Me, kado pli presye ou kapab donn zot se konnesans lo Zeova ek son parol laverite ki ganny trouve dan Labib. (Zan 17:3) Sa kalite konnesans pou kapab ed ou zanfan devlop lanmour pour Zeova e servi li avek tou son leker, menm depi ler i ankor pti.​—Matye 21:16.

Bokou paran in remarke ki bann pti zanfan i pli byen reazir si sa leson oubyen aktivite pa long. Alor, nou vreman kontan pour pibliy sa piblikasyon ki annan pour tit Mon leson dan Labib. Sak leson in ganny fer pour ansenny zot dan en fason senp. Bann desen ek pti fraz in ganny prepare sirtou pour bann zanfan trwa-z-an e mwens. I osi annan bann aktivite. Mon leson dan Labib i pa en zouzou pour zanfan zwe avek. Plito, i’n ganny fer pour ou lir ansanm avek zot e dan sa fason ou pou annan en bon kominikasyon avek ou zanfan.

Nou asire ki sa piblikasyon pou ed ou ansenny ou zanfan laverite dan Labib “depi [son] lanfans.”​—2 Timote 3:14, 15.

Zot bann frer,

Konsey Direkter Temwen Zeova