‘Montre respe pour bann zonm parey zot’

DEPI 1992, Konsey Direkter in swazir bann ansyen matir pour siport bann komite dan zot travay.a Sa bann asistan ki form parti “lezot mouton,” i donn bann bon sipor Konsey Direkter. (Zan 10:16, NW) Sak komite i fer en renyon tou le semenn e bann asistan i asiste pour donn lenformasyon ek sizesyon. Se Konsey Direkter ki fer desizyon final, me bann asistan ki fer sa ki sa komite in deside e desarz nenport ki responsabilite ki zot gannyen. Bann asistan i osi akonpanny bann manm lo Konsey Direkter ler zot al bann lasanble spesyal oubyen enternasyonal. Zot osi kapab ganny demande pour vizit bann biro brans konman bann reprezantan biro prensipal Temwen Zeova.

Enn parmi bann asistan ki pe servi depi ki sa laranzman in ganny met an plas i dir: “Ler mon pran swen avek mon responsabilite, Konsey Direkter i pli kapab konsantre lo bann keksoz spirityel.” Ler en lot frer i mazin sa plis ki 20 an ki i’n servi konman en asistan, i dir: “I en privilez ki depas mon ekspektasyon.”

Konsey Direkter i konfye bann asistan avek bokou keksoz e apresye sa bon servis ki sa bann frer fidel ki travay dir i fer. Annou ‘montre respe pour bann zonm parey zot.’​—Fili. 2:29.