Revizyon pour Lekol Minister Teokratik

Revizyon avek liv fermen, pour bann matyer ki’n ganny trete dan bann ekspoze Lekol Minister Teokratik depi semenn le 1 Me ziska le 21 Out, 2000. Reponn lo en papye separe, otan kestyon ki ou kapab dan lespas letan ki’n ganny akorde.

[Not: Pandan revizyon ekrir, servi zis Labib pour reponn bann kestyon. Bann referans ki’n donnen apre sak kestyon, i pour ou resers personnel. Pour bann referans avek Watchtower, nimero paz ek paragraf pa touzour ganny endike, nimero paz dan Insight i fer referans avek sa liv an angle.]

Reponn “Vre” oubyen “Fo” apre bann fraz swivan:

1. Larepons Gideonn kan bann zonm Efraim ti atak li an parol, ti reflekte son douser ek limilite e ti alor repous zot kritik enzis e mentenir lape. (Ziz 8:1-3) [Lektir Labib Lasemenn]

2. Menm si Manoa ti dir “se Bondye ki nou’n vwar,” an realite li ek son madanm ti vwar portparol personnel Bondye aparet, me non pa Zeova li menm. (Ziz 13:22) [Lektir Labib Lasemenn; vwar w88 5/15 p. 23 par. 3.]

3. Dan Ziz 5:31, sa lekspresyon “sa bann ki kontan ou” i profetikman refer avek sa 144,000 eritye Rwayonm. [si p. 50 par. 28]

4. Ti napa okenn morso liv Rit ki ti ganny trouve parmi bann Roulo Lanmer Mor. [si p. 51 par. 3]

5. Ziz 21:25 i refer avek en peryod letan kot Zeova ti les nasyon Izrael san okenn gidans. [Lektir Labib Lasemenn; vwar w95 6/15 p. 22 par. 16.]

6. Laform bann seriben lo lars lalyans ti endik prezans rwayal Zeova, ki dapre dir ti pe “asize lo [oubyen “dan milye”] bann seriben.” (1 Sam. 4:4, not) [Lektir Labib Lasemenn; vwar w80 11/1 p. 29 par. 2.]

7. Kan bann solda Sail ti manz disan dan en sitiasyon dezespere e zot pa ti ganny pini, sa ti montre ki i kapab annan bann rezon zistifye pour ferm lizye lo lalwa divin tanporerman, pour prezerv nou lavi. (1 Sam. 14:24-35) [Lektir Labib Lasemenn; vwar w94 4/15 p. 31 par. 7-9.]

8. Menm si serten i asosye sa mo “persyade” avek dimoun malen ki manipil lezot, i kapab ganny servi dan en sans pozitif pour donn sa lide konvenk e anmenn en sanzman dan fason panse par mwayen en rezonnman solid e lozik. (2 Tim. 3:14, 15) [w98 5/15 p. 21 par. 4]

9. “Sak lavi” i refer avek en provizyon divin pour proteksyon ek prezervasyon, ki ti pou benefisye David si i ti evite vin koupab pour mert dan lizye Bondye. (1 Sam. 25:29) [Lektir Labib Lasemenn; vwar w91 6/15 p. 14 par. 3.]

10. Lalyans Rwayonm David, ki ganny mansyonnen dan 2 Samyel 7:16, ti donn presizyon lo laliny sa Semans ki Mesi ti pou sorti ladan e ti en garanti legal, ki kelken dan laliny David ti pou renny “pour letan endefini.” [Lektir Labib Lasemenn; vwar w89 2/1 p. 14 par. 21–p. 15 par. 22.]

Reponn sa bann kestyon swivan:

11. Ki lasirans Psonm 34:18 i fourni? [w98 4/1 p. 31 par. 2]

12. Lefe ki Zozef ti ganny apele Barnabas, ki sa ti endike? (Akt 4:36) [w98 4/15 p. 20 par. 3, not]

13. Akoz resi Labib i dir ki Eli ti kontinyen onor son bann garson plis ki i ti onor Zeova? (1 Sam. 2:12, 22-24, 29) [Lektir Labib Lasemenn; vwar w96 9/15 p. 13 par. 14.]

14. Akoz liv Rit i devret fortifye nou konfyans dan bann promes Rwayonm? [si p. 53 par. 10]

15. Dapre 1 Samyel 1:1-7, ki legzanp remarkab fanmiy Samyel in demontre? [Lektir Labib Lasemenn; vwar w98 3/1 p. 16 par. 12.]

16. Dan ki sans nou kapab dir ki ‘pouvwar larises i tronper’? (Mat. 13:22, NW) [w98 5/15 p. 5 par. 1]

17. Ki mannyer Yonatann ti manifeste rekonesans pour sa enn swazir par Zeova, David, e ki sa i reprezante ozordi? (1 Sam. 18:1, 3, 4) [Lektir Labib Lasemenn; vwar w89 1/1 pp. 24, 26 par. 4, 13.]

18. Menm si i ti en zonm “san repros e drwat,” konman ki liv Zob i endike ki sa pa ti vedir ki Zob ti parfe? (Zob 1:8) [w98 5/1 p. 31 par. 1]

19. Ki sa lekspresyon “fer bann zefor entans,” i enplike? (Lik 13:24, NW) [w98 6/15 p. 31 par. 1, 4]

20. An akor avek 2 Samyel 12:26-28, ki leson presye nou bezwen pran aker kan nou pe travay ansanm avek lezot? [Lektir Labib Lasemenn; vwar w93 12/1 p. 19 par. 19.]

Konplet sa bann fraz swivan:

21. Lefe ki Zeova ti kondann severman ladorasyon Baal, sa i devret obliz nou pour rezet bann ekivalan denozour pour _________________________ , _________________________ , ek _________________________ . (Ziz 2:11-18) [si p. 50 par. 26]

22. Ti dan letan Samyel kan lepok _________________________ ti ariv ver son lafen e lepok _________________________ ti konmanse, kot Izrael ti pou finalman perdi faver Zeova. [si p. 53 par. 1]

23. Non divin Zeova, i sinifye “ _________________________ ” ki vedir ki Zeova i kapab akonpli nenport latas ki neseser pour realiz son _________________________ . [w98 5/1 p. 5 par. 3]

24. Eli ek Sail pa’n reisi zot tou le de, dan lesans ki sa enn avan ti _________________________ pour azir e sa lot ti azir _________________________ . [si p. 57 par. 27]

25. Parabol Zezi lo sa bon Samariten i montre ki en dimoun ki vreman drwat i enn ki pa selman obeir _________________________ Bondye me osi imit son _________________________ . (Lik 10:29-37) [w98 7/1 p. 31 par. 2]

Souliny larepons ki byen dan sa bann deklarasyon swivan:

26. Kalite abondan Zeova, ki (sazes; pwisans; lanmour), i ganny demontre kan i ti selekte Moabit (Rit; Naomi; Orpa), en ansyen adorater (Baal; Kemos; Dagon), ki ti konverti pour vre relizyon e ti vin en zanset Zezi Kri. (Mat. 1:3, 5, 16) [si p. 51 par. 1]

27. Lepok kot Izrael ti ganny dirize par bann ziz ti terminen kan (Samyel; David; Sail) ti ganny swazir konman lerwa e en pe letan apre ti defet bann (Amonit; Moabit; Filisten) avek sipor Zeova. (1 Sam. 11:6, 11) [Lektir Labib Lasemenn; vwar w95 12/15 p. 9 par. 2–​p. 10 par. 1.]

28. Se (lapot Pol; son papa; son manman ek son granmanman) ki ti pran linisyativ pour edik Timote dan “bann lekritir sen” ziska pwen pour vwar li vin en misyonner ek en sirveyan ekselan. (2 Tim. 3:14, 15; Fili. 2:19-22) [w98 5/15 p. 8 par. 3–p. 9 par. 5]

29. Minister (David; Samyel; Yonatann) etan en zenn, i devret ankouraz bann zenn pour pran par dan minister ozordi, e son kontinyasyon san arete, ziska lafen son bann zour i devret soutenir bann ki’n epwize avek laz. [si p. 58 par. 30]

30. Peryod letan kouver par 2 Samyel i depi (1077 ziska anviron 1040; 1077 ziska anviron 1037; 1070 ziska anviron 1040) A.N.L. [si p. 59 par. 3]

Asosye sa bann verse avek sa bann fraz swivan:

Ziz 11:30, 31; 1 Sam. 15:22; 30:24, 25; 2 Lerwa. 6:15-17; Zak 5:11

31. Zeova i fourni lasirans ki i pou servi son bann larme seles pour protez son pep dapre son lavolonte. [w98 4/15 p. 29 par. 5]

32. Bann sirveyan Kongregasyon i annan responsabilite pour respekte zot bann langazman menm si parler i kapab dir e koute. [w99 9/15 p. 10 par. 3-4]

33. Mentenir lentegrite dan leprev i anmenn en gran rekonpans sorti kot Zeova. [w98 5/1 p. 31 par. 4]

34. Vre lanmour pour Bondye i egziz lobeisans anver son bann direktiv me pa senpleman ofer li bann sakrifis. [Lektir Labib Lasemenn; vwar w96 6/15 p. 5 par. 1.]

35. Zeova i montre lapresyasyon profon pour bann ki servi dan bann rol soutyen, dan son lorganizasyon denozour. [Lektir Labib Lasemenn; vwar w86 9/1 p. 28 par. 4.]