Vin Atantif Anver bann Travay Merveye Bondye
1 Nou ti rasanble dan Lasanble Distrik “Pratikan Parol Bondye” pour trwa zour ekselan. Nou ti detourn nou latansyon kont bann preokipasyon lavi toulezour e konsantre lo bann travay merveye Zeova. Sa progranm ti ganny prepare pour ogmant nou lafwa dan Bondye e dan son Parol, pour ranforsi nou relasyon avek li, e pour entansifye nou zel dan minister. Konman nou pe benefisye par bann keksoz ki ti ganny ansennyen?—Zan 13:17.
2 Fanmiy Obeir Parol Bondye: Sa diskour an trwa parti “Obeir Parol Bondye” ti ed nou egzamin kondisyon spirityel nou fanmiy. Bann zanfan i kontan aprann. Alor, bann paran Kretyen ti ganny ankouraze pour fer letid familyal vin fondman pour batir en fanmiy ki for spirityelman. Bokou sef fanmiy pe diskit brosir Ou Kapab Vin Zanmi Bondye! avek zot bann pti zanfan. Sa pou ed zot pour devlop en relasyon zwaye e solid avek Zeova. Paran, ansenny ou bann zanfan konman pour atantif anver bann santiman Bondye. Eksprim ou prop lanmour pour li ek son bann aktivite. (Ps. 103:2) Travay ansanm pour etablir e atenn bann lobzektif spirityel e pour vin antyerman enplike dan servis Zeova.
3 Parol Bondye i Ekler Nou Semen: Ti en plezir pour nou resevwar sa nouvo liv La prophétie d’Isaïe, lumière pour tous les humains 1. Ki distans ou’n arive dan sa premye volim? Liv Izai i predir bann zizman sonm pour bann nasyon mesan, ensi ki bann benediksyon briyan pour pep Bondye. (Iza. 34:2; 35:10) I osi batir lafwa ek konfyans dan Zeova e dan son fason fer keksoz.—Iza. 12:2-5.
4 Kan ou lir Profesi Izai 1, byen boner ou kapab santi konman Izai ti mentenir son lentegrite anver Zeova pandan ki mesanste ti pe antour li. Kan i ti ganny lenvitasyon pour vin mesaze Bondye, Izai ti reponn: “La mon la! Anvoy mwan.” (Iza. 6:8) Medit lo son lespri volonter pou ankouraz ou pour kontinyen pres sa bon nouvel e annan en par konplet ‘pour anons li partou dan lemonn.’—Mat. 24:14.
5 Ler nou atantif anver bann travay Zeova, sa pou ogmant son grander. Alor, pran aker sa privilez pour vin bann pratikan parol Bondye!