Revizyon Pour Lekol Minister Teokratik

Revizyon avek liv fermen, pour bann matyer ki’n ganny trete dan bann ekspoze Lekol Minister Teokratik depi semenn le 1 Zanvye ziska le 23 Avril, 2001. Reponn lo en papye separe, otan kestyon ki ou kapab dan lespas letan ki’n ganny akorde.

[Not: Pandan revizyon ekrir, servi zis Labib pour reponn bann kestyon. Bann referans ki’n donnen apre sak kestyon, i pour ou resers personnel. Pour bann referans avek Latour Veyer, paz ek paragraf pa touzour ganny endike.]

Reponn “Vre” oubyen “Fo” apre bann fraz swivan:

1. Menm si nou pa devret zanmen les zis en santiman anpes nou vwar en fot grav, nou kapab imit legzanp Zozef par montre mizerikord an pardonnan en endividi ki repantir, apre ki i’n komet en pese kont nou. (Zen. 42:21; 45:4, 5) [w99 1/1 p. 31 par. 2-3]

2. Apar ki son lalis zenealozi, 1 Kronik i kontyen selman en repetisyon sa lenformasyon ki ganny trouve dan liv Samyel ek Lerwa. [si p. 75 par. 1]

3. Labib i refer lo selman en “antikris,” ki pou aparet dan lavenir. [rs-E p. 32; rs-F p. 35]

4. Zezi ti montre son limilite an akseptan sa misyon inik pour kit lemonn seles e pour vin lo later konman en senp imen, enferyer avek bann lanz. (Fili. 2:5-8; Ebr. 2:7) [w99 2/1 p. 6 par. 3]

5. Aksyon Sisak pour anvai Zida e depouy “bann trezor dan lakaz Zeova ek trezor dan lakaz lerwa” in ganny konfirmen par arkeolog. (2 Kron. 12:9) [Lektir Labib lasemenn; vwar w88 2/1 p. 26 par. 4.]

6. Batenm bann pti zanfan pa ti ganny pratike par bann Kretyen an premye syek. [rs-E p. 55; rs-F p. 47-8]

7. En dimoun i devret servi Bondye san okenn panse pour ganny en rekonpans. [w99 4/15 p. 16 par. 1]

8. An referan avek “bann aksyon” Zeova, parey i ganny rikorde dan Psonm 103:2, David ti annan antet kreasyon fizik Zeova. [w99 5/15 p. 21 par. 5-6]

9. Tanp ki ti ganny konstri par Salomon, Zorobabel, ek Erod, osi byen ki sa tabernak konstri par Moiz, zot tou zot ti reprezant menm keksoz. [si p. 87 par. 16]

10. Bann zenealozi ki ganny trouve dan 1 Kronik pa ti annan gran benefis pour kongregasyon Kretyen an premye syek. [si p. 78 par. 23]

Reponn sa bann kestyon swivan:

11. Akoz Zeova ti ziz lakaz Aab severman? (1 Rwa. 16:31; 2 Rwa. 9:7, 26) [si p. 74 par. 34]

12. Parey i ganny endike dan Matye 24:45-51, ki karakteristik bann ki vin aposta i annan? [rs-E p. 35; rs-F p. 37-38]

13. Ki leson nou kapab aprann konsernan abilite, dan ka Lerwa Zida ki ti apel Ouziya? (2 Kron. 26:15-21) [Lektir Labib lasemenn; vwar w99 12/1 p. 26 par. 1-2.]

14. Plito ki enstitye en seremoni rityel pour nou swiv, ki sa leson pwisan ki Zezi in fourni pour nou par lav lipye son bann zapot? (Zan 13:4, 5) [w99 3/1 p. 31 par. 1]

15. Akoz ki resi dan 1 Kronik 14:8-17 ti enportan dan lepok Izai, e akoz i devret konsern Kretyente ozordi? (Izai 28:21) [Lektir Labib lasemenn; vwar w91 6/1 p. 21 par. 2-3.]

16. Ki bann laspe ladorasyon Baal ki ti fer li atiran pour bokou Izraelit? [w99 4/1 p. 29 par. 3-6]

17. Ki leson pratik nou kapab aprann atraver travay Izkiya pour protez e ogmant provizyon delo Zerizalenm? (2 Kron. 32:3, 4) [Lektir Labib lasemenn; vwar w96 8/15 p. 6 par. 1-2.]

18. Konman ki legzanp Yosiya i kapab en lankourazman pour bann zenn ozordi pour servi Bondye e tenir ferm kont fo ladorasyon? (2 Kron. 34:3, 8, 33) [Lektir Labib lasemenn; vwar w90 8/1 p. 5 par. 2.]

19. Eski tou bann Zwif ki ti reste an Babilonn ti enfidel, e ki leson pratik nou kapab aprann atraver sa? (Ezra 1:3-6) [Lektir Labib lasemenn; vwar w86 1/15 p. 8 par. 4, 7.]

20. Dan 2 Kronik 5:13, 14, ki lendikasyon i annan ki Zeova ti pe ekoute e ki i ti osi kontan sa louanz armonye ki son pep ti pe ofer? [Lektir Labib lasemenn; vwar w94 5/1 p. 10 par. 7.]

Konplet sa bann fraz swivan:

21. En dimoun ki pe donn konsey en konpanyon Kretyen i devret fer sir ki sa konsey i baze lo _________________________  divin, non pa lo _________________________ ek _________________________  imen. (Kol. 2:8) [w99 1/15 p. 22 par. 1]

22. I pa pou posib pour _________________________ pandan batay _________________________ . (Mat. 12:30; 2 Tesa. 1:8) [rs-E p. 48; rs-F p. 185]

23. Parey bann pikan ki kapab anpes bann pti plant ariv staz matirite, _________________________ ki pa ganny kontrole ek pouvwar tronper _________________________ i kapab anpes en dimoun progrese ver matirite spirityel. (Mat. 13:19, 22, NW ) [w99 3/15 p. 22 par. 5]

24. “Ganny batize pour [vin] bann mor,” parey Pol ti mansyonnen dan 1 Korentyen 15:29, i vedir ganny batize pour viv en lavi ki pou anmenn ziska en _________________________ parey pour Kris e apre ganny _________________________ konman lespri parey li. [rs-E p. 57; rs-F p. 49]

25. Pour ki en vre Kretyen i reisi kot Salomon ti fel, i bezwen veye ki i pa ador Zeova avek _________________________ oubyen avek en _________________________ e ki i aplik bann parol _________________________ pour ‘kontan Zeova son Bondye avek tou son leker.’ (Mat. 22:37; 1 Kron. 28:9) [Lektir Labib lasemenn; vwar w86 6/1 p. 19 par. 17-18.]

Souliny larepons ki byen dan sa bann deklarasyon swivan:

26. Sa resi dan 2 Lerwa 17:5, 6 i rakonte konman (Tiglat-pilezer; Salmanazar 5; Ezar-Ardonn) ti anvair parti nor dis tribi rwayonm Izrael e konmans antour lavil Samari pour trwa lannen, ki ti finalman tonm dan lanmen bann Asiryen an (740; 607; 537) A.N.L. [Lektir Labib lasemenn; vwar w88 2/15 p. 27 par. 1.]

27. Par rakont bann levennman ki ti arive an Zerizalenm apre ki legzil an Babilonn ti konmanse, 2 Lerwa sapit 25 i endirekteman endik (Danyel; Ezekyel; Zeremi) konman ekriven sa liv e osi endike ki sa liv ti konplete anviron (580; 537; 455) A.N.L. (2 Rwa. 25:27) [Lektir Labib lasemenn; vwar si p. 64 par. 3.]

28. Parey Egzod 4:11 i endike, Zeova Bondye ‘i etabli bann koz pa, bann sourd, ek bann aveg’ alor i (bezwen ganny blanmen pour bann dezabilite ki dimoun i annan; swazir diferan dimoun pour bann privilez; permet bann defo fizik arive parmi bann imen). [w99 5/1 p. 28 par. 2]

29. Sa 70 lannen ki ganny mansyonnen dan 2 Kronik 36:17-23 ti terminen an (537; 607; 677) A.N.L. [si p. 84 par. 35]

30. Sa sel de referans selebrasyon lanniverser nesans dan Labib i (plas zot dan en pozisyon favorab; plas zot dan en pozisyon ki pa favorab; pa eklersi nanryen lo selebrasyon lanniverser nesans). (Zen. 40:20-22; Mat. 14:6-10) [rs-E p. 68; rs-F p. 32]

Asosye sa bann verse avek sa bann fraz swivan:

Eg. 21:22, 23; Prov. 25:11; Rom. 12:2; 2 Pyer 3:15, 16; Rev. 16:13, 14

31. I demann bokou zefor pour sanz nou fason panse e ranpli nou lespri avek laverite divin. [w99 4/1 p. 22 par. 2]

32. Kan nou pe donn konsey, i enportan pour swazir bann parol apropriye. [w99 1/15 p. 23 par. 1]

33. Zeova in endike ki en dimoun pou ganny vwar responsab si i bles en pti baba ki pa ankor ne. [rs-E p. 25; rs-F p. 40]

34. Lenfliyans Satan Dyab pe pous bann nasyon ver sa sitiasyon lemonn ki pou anmenn en lager kont Bondye. [rs-E p. 48; rs-F p. 186]

35. Deform bann Lekritir pour adapte avek nou prop pwenn-vi, i kapab fer nou maler. [rs-E p. 65; rs-F p. 58]