Temwanny—Jusqu’aux extrémités de la terre

Lekel ki pou probableman regard sa video Jusqu’aux extrémités de la terre pour plizyer fwa? Bann ki annan sa lobzektif pour vin misyonner. Akoz? Pour familyariz zot avek Watchtower Bible School of Gilead. Sa video ti mark 50 an lanniverser sa lekol inik, ki ti ganny kree pour ogmant sa travay predikasyon ziska “tou bout later.” (Pson. 22:27) Sa video pou ed ou pour pli konsyan valer sa travay pres sa bon nouvel e pou motiv ou pour partisip plis dan sa travay. Konsider sa bann kestyon swivan: (1) Boner dan bann lannen 1940, kwa ki ti vin en konsern prensipal pour lorganizasyon Zeova? (Akt 1:8) (2) An 1942, ki profesi Labib ki ti pe ganny akonpli, e konman ki nou latansyon ti diferan avek sa ki pour lemonn an zeneral? (Rev. 17:8; w89 4/15 p. 14 par. 12) (3) Ki bann dispozisyon ki ti ganny pran pour profit peryod lape ki ti ekspekte apre Dezyenm Lager Mondyal? ( jv p. 522 para. 1-2) (4) Ki bann kalite dan bann etidyan premye laklas Lekol Gilead ki ou admire? (5) Dan sa 50 premye lannen Gilead, ki kantite etidyan ki’n ganny diplonmen, e dan ki kantite pei zot in ganny anvoye? (6) An realite ki kantite ledikasyon dan Labib ki bann etidyan i gannyen? (7) Kwa ki fer en dimoun vin en bon misyonner e en bon ansennyan Parol Bondye? (8) Konman lavi en misyonner i ete, e ki bann defi ki bezwen ganny sirmonte? (9) Konman bann misyonner i santi lo zot fason viv, e ki rezilta ki zot rezwir dan zot lavi sakrifis? (10) Ki sa plizyer mil misyonner in akonpli ziska prezan? Donn bann legzanp. (11) Ki lenpresyon ou annan lo sa bann frer ek ser ki’n al pres ziska “tou bout later”? (12) Legzanp ki bann misyonner in demontre i ankouraz ou pour fer kwa, e akoz?