Revizyon Pour Lekol Minister Teokratik

Revizyon avek liv fermen, pour bann matyer ki’n ganny trete dan bann ekspoze Lekol Minister Teokratik depi semenn le 7 Zanvye ziska le 22 Avril, 2002. Reponn lo en papye separe, otan kestyon ki ou kapab dan lespas letan ki’n ganny akorde.

[Not: Pandan revizyon ekrir, servi zis Labib pour reponn bann kestyon. Bann referans ki’n donnen apre sak kestyon, i pour ou resers personnel. Pour bann referans avek Latour Veyer, nimero paz ek paragraf pa touzour ganny endike.]

Reponn Vre oubyen Fo apre bann fraz swivan:

1. Dan Eklezyast 2:2, pwen ki Salomon i fer resorti i ki riye e rezwir i devret ganny evite. [Lektir Labib lasemenn; vwar w87 9/15 p. 24 par. 5.]

2. Plito ki i en liv negatif, Eklezyast i ranpli avek bann laverite presye lasazes Bondye e i montre ki bann aktivite katastrofik i pour bann ki inyor Bondye. [si p. 114 par. 15]

3. Dan Izai 1:7, sa profet i refer avek dezolasyon Zida pandan renny Aaz. [Lektir Labib lasemenn; vwar ip-1 p. 17 par. 16.]

4. “Debout devan tronn e devan Lanyo,” parey i ganny mansyonnen dan Revelasyon 7:9, i endik en landrwa dan lesyel. [rs-E p. 167 par. 5; rs-F p. 67 par. 3]

5. Kan nou “onor Zeova” avek nou resours—nou letan, talan, lafors, ek nou bann byen materyel—nou resevwar bann benediksyon spirityel an abondans sorti kot Zeova. (Prov. 3:9, 10) [w00 1/15 p. 25 par. 1]

6. ‘Aksyon etranz e travay ki pa ordiner’ dan nou letan ki ganny predir dan Izai 28:21 i refer avek destriksyon bann nasyon dan lager Amargedon. [Lektir Labib lasemenn; vwar ip-1 p. 295 par. 16; p. 301 par. 28.]

7. Parey Matye 24:38, 39 i montre, manze e bwar, ansanm avek lezot aktivite imen, ti fer bann dimoun dan letan Noe ganny balye avek Deliz. [w00 2/15 p. 6 par. 6]

8. Zeova i touzour akord demann son bann serviter ki senp e ki fer tou pour servi li. [w00 3/1 p. 4 par. 3]

9. “Bann nasyon” ki Izai 60:3 i refer avek i bann diferan nasyon politik ki’n ganny atire par sa lalimyer ki sorti kot Bondye. [Lektir Labib lasemenn; vwar w00 1/1 p. 12 par. 4.]

10. Zeova ti “sangtifye” Zeremi avan i ti ne, dan le sans ki I ti fikse desten eternel Zeremi. (Zer. 1:5) [Lektir Labib lasemenn; vwar w88 4/1 p. 10 par. 2.]

Reponn sa bann kestyon swivan:

11. Dan Eklezyast 11:1, ki savedir ‘anvoy dipen’? [Lektir Labib lasemenn; vwar w87 9/15 p. 25 par. 11.]

12. Dan Izai 6:8, lekel ki Zeova i enkli kan i dir “nou”? [Lektir Labib lasemenn; vwar ip-1 p. 93-4 par. 13.]

13. Dan lakonplisman Izai 9:2, konman ki “en gran lalimyer” i eklere an Galile? [Lektir Labib lasemenn; vwar ip-1 p. 126 par. 17.]

14. Ki konparezon ki kapab ganny fer denozour avek destriksyon Babilonn an 539 A.N.L. e pour fini kont son dezolasyon total? (Iza. 13:19, 20; 14:22, 23) [Lektir Labib lasemenn; vwar ip-1 p. 188 par. 30-1.]

15. Konman ki “lesklav fidel e pridan” in azir konman sa “veyer” ki ganny dekrir dan Izai 21:6? (Mat. 24:45, NW ) [Lektir Labib lasemenn; vwar ip-1 p. 221-2 par. 11.]

16. Ki konsey saz ki Proverb 31:10 i donn en zennonm ki pe resers en konzwen? [w00 2/1 p. 31 par. 1]

17. Dan Izai 43:9, ki defi ki ti ganny lanse avek bann bondye bann nasyon? [Lektir Labib lasemenn; vwar w88 2/1 p. 16 par. 3.]

18. Dan ki fason ki lipye bann ki deklar sa bon nouvel lo Rwayonm Bondye i “zoli”? (Iza. 52:7) [Lektir Labib lasemenn; vwar w97 4/15 p. 27 par. 6.]

19. Kwa ki neseser pour nou fer pour anpes nou leker tronp nou? (Zer. 17:9) [w00 3/1 p. 30 par. 4]

20. Bann ki ‘mars dan semen Zeova’ i devret fer kwa? (Zer. 7:23) [Lektir Labib lasemenn; vwar w99 8/15 p. 29 par. 6.]

Konplet sa bann fraz swivan:

21. “Leker sa enn ki saz i lo son kote drwat” dan le sans ki “kote drwat” i souvan reprezant en _________________________ ; alors, sa i endike ki son _________________________  i pous li pour adopte en bon kondwit ki favorab. (Ekle. 10:2; Mat. 25:33) [Lektir Labib lasemenn; vwar w87 9/15 p. 25 par. 8.]

22. Parmi bann leson ki itil ki ganny ansennyen dan Kantik Salomon i _________________________ , _________________________  ek _________________________  anver bann prensip Bondye. [si p. 117 par. 16]

23. Devaster bann lavil Zida, ki ganny dekrir dan Izai 33:1, i _________________________  ki li menm ti pou ganny detrir an 632 A.N.L., e i ti kit deryer en kantite keksoz pour bann zabitan _________________________ , ki ti pou ‘anmas zot konman bann kankrela.’ (Iza. 33:4) [Lektir Labib lasemenn; vwar ip-1 p. 343 par. 4; p. 345 par. 6.]

24. En konparezon ant Izai 54:1 avek Galat 4:26, 27 i revele ki sa “fanm steril” i dekrir “_________________________ ”; e “sa fanm ki annan en propriyeter ek en mari,” i _________________________ . [Lektir Labib lasemenn; vwar w95 8/1 p. 11 par. 8.]

25. Kan nou ganny ridikilize e rezete dan predikasyon, nou bezwen mazinen ki an realite sa lopozisyon pa pe vreman ganny fer kont _________________________ , me kont _________________________ , Sours nou mesaz. (2 Kor. 4:1, 7) [w00 1/15 p. 21 par. 2]

Souliny larepons ki byen dan sa bann deklarasyon swivan:

26. Kan i ti ekrir konsernan son vizyon lo laglwar seles Zezi, Pol ti refer avek li menm konman enn ki’n “ne avan ler.” Sa i vedir ki (i ti fek ganny anzandre avek lespri; i ti ganny apwente boner konman zapot pour bann nasyon; i ti konmsi Pol, par sa vizyon lo laglwar seles Zezi, ti’n ganny loner pour ne oubyen ganny resisite pour lavi dan lesyel avan ler). (1 Kor. 9:1; 15:8, NW ) [w00 1/15 p. 29 par. 6]

27. Sa tit “Papa Eternel” i refer avek pouvwar ek lotorite Lerwa Mesyanik pour donn imen (lafors spirityel; lavi imortel dan lesyel; sa lespwar pour viv eternelman lo later). (Iza. 9:6; Zan 11:25, 26) [Lektir Labib lasemenn; vwar ip-1 p. 131 par. 26.]

28. Dan lakonplisman modern Izai 66:7, sa “zanfan mal” ki’n ne i reprezant (Zezi Kri; Rwayonm Mesyanik; en nouvo nasyon spirityel an 1919). [Lektir Labib lasemenn; vwar w95 1/1 p. 11 par. 3.]

29. Si nou lir byen Matye 10:28 (NW ) nou pou vwar ki Zeenn dife i (en landrwa kot ou okouran ki ou pe ganny tourmante; reprezant destriksyon eternel; vedir elwannyen avek Bondye). [rs-E p. 173 par. 3; rs-F p. 128 par. 1]

30. Lakonplisman modern, “sa nasyon ki son bann dimoun pa’n obei lavwa Zeova,” ki Zeremi 7:28 i koz lo la, i refer avek (Gran Babilonn; Kretyente; sa set pouvwar mondyal). [Lektir Labib lasemenn; vwar w88 4/1 p. 18 par. 10.]

Asosye sa bann verse avek sa bann fraz swivan:

Prov. 24:16; Ekle. 3:11; Iza. 40:8; Rom. 10:15; 1 Pyer 4:6

31. Dan son prop letan fikse, nou pou konnen ki plas egzakt Bondye in rezerve pour sak son travay dan son plan. [Lektir Labib lasemenn; vwar w87 9/15 p. 24 par. 8.]

32. Pres sa bon nouvel avek bann ki’n mor spirityelman i ofer zot en loportinite pour repantir. [rs-E p. 163 par. 5; rs-F p. 63 par. 2]

33. Menm si nou pa kapab evit bann moman kot nou afeblir dan lavi, bann dimoun ki atase avek Bondye pa aret esey fer sa ki byen. [w00 2/1 p. 5 par. 1]

34. Parol Bondye, oubyen son plan ki’n ganny deklare, pa kapab ganny anile oubyen ganny anpese pour akonpli. [Lektir Labib lasemenn; vwar ip-1 p. 401-2 par. 10]

35. Bann zapot Zezi ti servi byen profesi Izai, zot ti aplik li avek minister. [si p. 123 par. 37]